അപർണ്ണ ഗർഭിണി; സാന്ത്വനം വീട്ടിൽ പുത്തൻ സന്തോഷം; ശിവനും അഞ്ജലിയും പിണക്കത്തിൽ തന്നെ..!!

മലയാളത്തിൽ ഏറ്റവും കൂടുതൽ ആളുകൾ കാണുന്ന സീരിയൽ കുടുംബ വിളക്ക് ആണെങ്കിൽ കൂടിയും ഏറ്റവും കൂടുതൽ ആരാധകരുള്ള സീരിയൽ സാന്ത്വനം തന്നെയാണ്. കുടുംബ പ്രേക്ഷകർക്കൊപ്പം യുവാക്കളും കാണുന്ന സീരിയൽ ആണ് സാന്ത്വനം.

ശിവനും അഞ്ജലിയും തമ്മിലുള്ള പ്രണയ നിമിഷങ്ങളും വഴക്കുകളും അപ്പുവിന്റെ കുശുമ്പും കണ്ണന്റെ കളിയും ചിരിയും ബാലന്റെയും ദേവിയുടെയും കരുതലും എല്ലാം നിറഞ്ഞതാണ് സാന്ത്വനത്തിൽ കാണിക്കുന്നത്.

തമിഴിൽ സൂപ്പർഹിറ്റ് ആയി സംപ്രേഷണം ചെയ്തുകൊണ്ട് ഇരിക്കുന്ന പാണ്ട്യൻ സ്റ്റോർസ് എന്ന പരമ്പരയുടെ ഔദ്യോഗിക റീമേക്ക് കൂടി ആണ് സാന്ത്വനം. കൂട്ടുകുടുംബത്തിലെ സ്നേഹത്തിന്റെ കഥ പറയുന്ന സീരിയലിൽ കൂടുതൽ കാര്യങ്ങളും കാണിക്കുന്നത് സാന്ത്വനം വീട്ടിൽ തന്നെ ആണ്.

ശിവൻ ആയി എത്തുന്നത് സജിൻ ആണ്. അഞ്ജലി ആയി എത്തുന്നത് ഗോപിക അനിൽ ആണ്. രാജീവ് പരമേശ്വർ ആണ് വല്യേട്ടൻ ബാലന്റെ വേഷത്തിൽ എത്തുന്നത്.
കൂടാതെ ഏടത്തിയുടെ വേഷത്തിൽ ചിപ്പിയും ഹരിയായി ഗിരീഷ് നമ്പ്യാരും ഹരിയുടെ ഭാര്യ അപർണ്ണയുടെ വേഷത്തിൽ രക്ഷ രാജുമാണ് എത്തുന്നത്.

ബാലന്റെയും ഹരിയുടെയും ശിവന്റെയും അനിയൻ കണ്ണന്റെ വേഷത്തിൽ എത്തുന്നത് അച്ചു സുഗന്ത് ആണ്. സ്നേഹത്തിന്റെ തണലിൽ വാഴുന്ന സഹോദരങ്ങളുടെ കഥ പറയുന്ന പരമ്പരയിൽ ഇപ്പോൾ പുത്തൻ വഴിത്തിരുവകൾ ആണ് ഉണ്ടായിരിക്കുന്നത്. തങ്ങൾക്കും ഒരു കുഞ്ഞു വേണം എന്നുള്ള മോഹം വർഷങ്ങൾക്കു ശേഷം ബാലനിലും ദേവിയിലുമുണ്ട്.

അതുപോലെ തന്നെ ഒരു ജോലിക്ക് പോകണം എന്നുള്ള ആഗ്രഹം ആണ് അപർണ്ണക്ക്. അങ്ങനെ അപർണ ജോലി നേടി. അപ്പു ആദ്യ രണ്ടു ദിവസം ജോലിക്ക് പോയതോടെ തനിക്ക് പറ്റിയ പണിയല്ല ഇതെന്ന് മനസിലാക്കുകയാണ്.

അതെ സമയം അഭിപ്രായ വ്യത്യാസമുള്ള അഞ്ജലിയും ശിവനും ഇപ്പോൾ പിരിഞ്ഞു താമസിക്കുകയാണ്. അപ്പു ജോലിക്ക് പോകാൻ മടികാണിക്കുകയും തനിക്ക് ക്ഷീണവും മനം പുരട്ടലും ഉണ്ടെന്നു ദേവിയെ അറിയിക്കുന്നതോടെയാണ് അപർണ ഗർഭിണിയാണ് എന്ന് ദേവി തിരിച്ചറിയുരുന്നത്..

തുടർന്ന് തങ്ങളുടെ അനുമാനം ശരിയാണെന്നു കാണിക്കാൻ ആശുപത്രിയിലേക്ക് പോകുകയാണ്. ഇതുവരെ കാണാത്ത സന്തോഷം ആണ് ദേവിയുടെ മുഖത്ത്. കാലങ്ങൾക്ക് ശേഷം ശെരിക്കും പറഞ്ഞാൽ കണ്ണൻ ഉണ്ടായതിന് ശേഷം സാന്ത്വനം വീട്ടിൽ ഒരു കുഞ്ഞു ജനിക്കാൻ പോകുകയാണ്.

ഇനി ശിവാജ്ഞലിയുടെ പ്രണയ ദിനങ്ങൾ; കണ്ണിൽ കണ്ണിൽ നോക്കിയും മുല്ലപ്പൂമാല തലയിൽ ചൂടിക്കൊടുത്തും ശിവന്റെ പ്രണയം; സാന്ത്വനം വീണ്ടും റേറ്റിങ് മുന്നിൽ..!!

എന്നാൽ തെറ്റിദ്ധാരണ കൊണ്ട് അഞ്ജലിയോട് പിണങ്ങിയ ശിവന് പക്ഷെ അഞ്ജലിയെ കാണാത്തതുകൊണ്ട് ഉറക്കവും വിശപ്പും നഷ്ടമായി. എന്ത് ചെയ്യണം എന്ന് അറിയാതെ നെട്ടോട്ടത്തിൽ ആണ് ശിവൻ. ഇരുവരും ഒന്നിക്കുന്നത് കാണാൻ ഉള്ള കാത്തിരിപ്പിൽ ആണ് ആരാധകർ.