ബിഗ് ബ്രദറിൽ സച്ചിദാനന്ദനായി മോഹൻലാൽ; ഷൂട്ടിംഗ് അടുത്ത വർഷം ഏപ്രിലിൽ…!!
ലേഡീസ് ആൻഡ് ജെന്റിൽമാൻ എന്ന ചിത്രത്തിന് ശേഷം മോഹൻലാലിനെ നായകനാക്കി സിദ്ധിഖ് രചനയും സംവിധാനവും ചെയ്യുന്ന ചിത്രമാണ് ബിഗ് ബ്രദർ. അടുത്ത വർഷം ഏപ്രിലിൽ ചിത്രീകരണം ആരംഭിക്കാൻ ഇരിക്കുന്ന ചിത്രത്തിൽ സച്ചിദാനന്ദൻ എന്ന കഥാപാത്രത്തെ ആണ് മോഹൻലാൽ അവതരിപ്പിക്കുന്നത്.
ബംഗളൂരു, മംഗലാപുരം എന്നിവടങ്ങളിൽ 90 ദിവസത്തെ ഷൂട്ടിംഗ് ആണ് ചിത്രത്തിന് ഉള്ളത്. വമ്പൻ ബഡ്ജറ്റിൽ ഒരുങ്ങുന്ന ചിത്രം നിർമ്മിക്കുന്നത് വൈശാഖ സിനിമ, എസ് ടാക്കീസ്, നിക്ക് എന്നിവർ ചേര്ന്നാണ്.
ഡ്രാമ, ഒടിയൻ എന്നിവയാണ് മോഹൻലാൽ നായകനായി ഈ വർഷം റിലീസ് ചെയ്യുന്ന ചിത്രങ്ങൾ. ലൂസിഫർ, സൂര്യ നായകനായി എത്തുന്ന തമിഴ് ചിത്രം, പ്രിയദർശൻ സംവിധാനം ചെയ്യുന്ന കുഞ്ഞാലി മരയ്ക്കാർ; അറബിക്കടലിന്റെ സിംഹം എന്നിവയാണ് ചിത്രീകരണം നടന്നു കൊണ്ടിരിക്കുന്ന മോഹൻലാൽ ചിത്രങ്ങൾ. പ്രിയദർശൻ ചിത്രത്തിന് ശേഷമായിരിക്കും സിദ്ധിക്ക് ചിത്രം ആരംഭിക്കുക.
Mohanlal siddique movie big brother