ഷീലാമ്മയെ മോശമായി ചിത്രീകരിക്കുന്നത് കാണുമ്പോൾ സങ്കടമുണ്ട്; ഞാൻ ഭഗവാൻ കൃഷ്ണനെ പോലെയെന്ന് ഷീലാമ്മ പറയുന്നത്; ജയറാം..!!

385

എംജിആർ നായകനായി എത്തിയ പാശത്തിൽ കൂടി അഭിനയ ലോകത്തിലേക്ക് എത്തിയ താരമാണ് ഷീല. 1960 മുതൽ അഭിനയ ലോകത്തിൽ ഉള്ള താരം ഇരുപത് വര്ഷം തുടർച്ചയായി മലയാളത്തിൽ ലേഡി സൂപ്പർസ്റ്റാർ ആയി നിന്നു.

ഭാഗ്യജാതകം എന്ന മലയാളം സിനിമ ആണ് ഷീല നായികയായി ആദ്യം പുറത്തിറങ്ങിയത്. പ്രേം നസിറിനൊപ്പം മുന്നൂറിൽ കൂടുതൽ ചിത്രങ്ങളിൽ നായികയായി എത്തിയ ഷീലയുടേത് മറ്റാർക്കും ലോക സിനിമയിൽ ഇതുവരെയും തകർക്കാൻ കഴിയാത്ത റെക്കോർഡ് ആണ്.

1980 കളിൽ അഭിനയ ലോകത്തിൽ നിന്നും ഇടവേളയെടുത്ത ഷീല പിന്നീട് തിരിച്ചു വന്നത് 2003 ൽ പുറത്തിറങ്ങിയ മനസ്സിനക്കരെ എന്ന സത്യൻ അന്തിക്കാട് ചിത്രത്തിൽ കൂടി ആയിരുന്നു.

ജയറാം ആയിരുന്നു ഈ ചിത്രത്തിൽ നായകനായി എത്തിയത്. ഇപ്പോൾ ഷീലാമ്മ തന്നെ കുറിച്ച് പറഞ്ഞ കാര്യവും അതുപോലെ ഷീലാമ്മയെ കുറിച്ച് മോശമായി നടക്കുന്ന പ്രവണതകളെ കുറിച്ചും തുറന്നു പറയുകയാണ് ജയറാം. നടൻ ജയറാമിന്റെ വാക്കുകൾ ഇങ്ങനെ…

ഷീലാമ്മ എന്നെ കുറിച്ച് പറഞ്ഞത്. എന്നെ കാണുമ്പോൾ ഭഗവാൻ ശ്രീകൃഷ്ണനെ പോലെയാണ് എന്നാണ്. എന്നാൽ എന്താണ് അങ്ങനെ ഷീലാമ്മ പറയാൻ കാരണം എന്ന് എനിക്ക് അറിയില്ല. എന്തായാലും സന്തോഷമുള്ള കാര്യമല്ലേ..

ഭഗവാനെ പോലെയല്ലേ എന്നാണ് ഷീലാമ്മ പറഞ്ഞത്. ഞാൻ ഒരുപാട് ആരാധിക്കുന്ന ഒരു കാലഘട്ടത്തിൽ ലേഡി സൂപ്പർസ്റ്റാർ ആയി വിലസിയ ആൾ ആണ് ഷീലാമ്മ. അവർ അങ്ങനെ പറയുന്നത് കേൾക്കുമ്പോൾ വല്ലാത്ത സന്തോഷം ആണ് ഉള്ളത്.

എനിക്ക് ഏറെ ഇഷ്ടമുള്ള നടികൂടിയാണ് ഷീലാമ്മ. എത്രയെത്ര സിനിമകളിൽ മികച്ച അഭിനയമാണ് അവർ ചെയ്തിരിക്കുന്നത്. സത്യൻ മാസ്റ്റർക്കും നസീർ സാറിനുമൊപ്പം എത്രയെത്ര ഹിറ്റ് ചിത്രങ്ങളിൽ എത്രയോ വര്ഷം ആണ് അവർ അഭിനയിച്ചത്.

ഷീലാമ്മയുടെ ഓരോ ചലനങ്ങളും അതുപോലെ അഭിനയവും ഡയലോഗും എല്ലാം തനിക്ക് വല്ലാതെ ഇഷ്ടമാണ്. എന്നെ വല്ലാതെ സങ്കടപ്പെടുത്തിയ കാര്യമാണ് ഷീലാമ്മയെ പോലെ പഴയ താരങ്ങളെ മോശമായി ഇന്നത്തെ തലമുറ അനുകരിക്കുന്നത്.

പല വേദികളിലും ഞാൻ ഇത് കണ്ടിട്ടുണ്ട്. പുതുതലമുറ ഷീലാമ്മയെയും സത്യൻ മാഷിനെയും അനുകരിക്കുന്നത് കാണുമ്പോൾ കളിയാക്കുന്നത് പോലെ ആണ് തോന്നാറുള്ളത്. അതിന്റെ ആവശ്യം ഉണ്ടെന്നു എനിക്ക് തോന്നുന്നില്ല.

ഇത്തരം അനുകരണങ്ങൾ നടത്തുന്ന ആളുകൾ ആരും അവരുടെ പഴയ സിനിമകൾ കണ്ടിട്ട് പോലും ഉണ്ടാവില്ല. ചിലർക്ക് ഷീലാമ്മ ആരാണെന്നു പോലും അറിയില്ല. ആരെങ്കിലും ഒക്കെ കാണിക്കുന്നത് അവരും കാണിക്കുന്നു.

ഇതൊക്കെ കാണുമ്പോൾ സത്യത്തിൽ വിഷമം തോന്നാറുണ്ട്. ഇതിന്റെ ഒക്കെ ആവശ്യം ഉണ്ടോ എന്നും തോന്നിപ്പോകാറുണ്ട്. മിമിക്രിയിൽ കൂടി അഭിനയ ലോകത്തേക്ക് എത്തിയ ജയറാം രോഷത്തോടെ പറയുന്നു.