രണ്ടാമൂഴം എത്തുന്നു, ബി ആർ ഷെട്ടിക്ക് പകരം പുതിയ നിർമാതാവ്; സംവിധാനം ശ്രീകുമാർ മേനോൻ തന്നെ..!!

26

രണ്ടാമൂഴം വാർത്തകൾ എത്തുന്നു, ചിത്രം എത്തുന്നു എന്ന രീതിയിൽ ആണ് ഇപ്പോൾ വാർത്തകൾ എത്തിയിരിക്കുന്നത്. 1000 കോടി ബഡ്ജറ്റിൽ രണ്ട് ഭാഗങ്ങൾ ആയി എത്തും എന്നു പ്രഖ്യാപിച്ചിരുന്ന ചിത്രം പിന്നീട് ചിത്രത്തിന്റെ തിരക്കഥാകൃത്ത് എം ടി വാസുദേവൻ നായർ നൽകിയ കേസിൽ കുടുങ്ങി കിടക്കുകയാണ്. എന്നാൽ വീണ്ടും രണ്ടാമൂഴം എത്തുന്ന തരത്തിൽ വാർത്തകൾ പുനർജനിക്കുന്നത്.

അഭയ കേസുമായി ബന്ധപ്പെട്ട് നിയമ പോരാട്ടം നടത്തിയ ജോമോൻ പുത്തൻപുരക്കൽ ആണ് ഇത് സംബന്ധിച്ച് വാർത്തകൾ പുറത്ത് വിട്ടിരിക്കുന്നത്. കോടതിയും കേസും വിവാദവും ആയപ്പോൾ ചിത്രത്തിന്റെ നിർമ്മാണത്തിൽ നിന്നും ബി ആർ ഷെട്ടി പിന്മാറിയിരുന്നു. പകരം, ഡോ. എസ് കെ നാരായണൻ ആണ് ചിത്രത്തിന്റെ പുതിയ നിർമാതാവ്.

ചിത്രത്തെ സംബന്ധിച്ച് ഉള്ള അവസാന ചർച്ചകൾ കഴിഞ്ഞു എന്നാണ് ജോമോൻ പറയുന്നത്. ഇരുവരും ഒന്നിച്ചു ചർച്ച നടത്തുന്ന ഫോട്ടോയും ജോമോൻ ഇട്ടിട്ടുണ്ട്. സിംഗപ്പൂർ, ഹൈദരാബാദ് എന്നിവിടങ്ങളിൽ ബിസിനെസ്സ് ഉള്ള പ്രവാസി മലയാളി ആണ് ഡോ എസ് കെ നാരായണൻ. വർക്കലയിൽ വെച്ചാണ് ചർച്ച നടത്തിയത് എന്നും ജോമോൻ പറയുന്നു.

എന്നാൽ ഇതിനെ കുറിച്ചുള്ള സ്ഥിരീകരണം ശ്രീകുമാർ മേനോനും പുതിയ നിർമാതാവും നടത്തിയിട്ടില്ല. കൃത്യ സമയത്തു ഷൂട്ടിംഗ് തുടങ്ങാത്തത്തിൽ പ്രതിഷേധിച്ച് എം ടി നൽകിയ കേസിനും ഇടതുവരെ വിധി വന്നട്ടില്ല.