ഇക്ക എന്ന് വിളിക്കുന്നത് സ്നേഹത്തോടെ, ഞാൻ അത് ഇഷ്ടപ്പെടുന്നു, മതപരമായി കാണുന്നത് എന്തിന്; ആസിഫ് അലി..!!

അഭിനയ ശൈലി കൊണ്ട് തന്റേതായ ഇടം നേടിയ നടൻ ആണ് ആസിഫ് അലി, ശ്യാമപ്രസാദ് സംവിധാനം ചെയ്ത ഋതു എന്ന ചിത്രത്തിൽ കൂടിയാണ് ആസിഫ് അലി മലയാള സിനിമയിൽ എത്തുന്നത്. 62 ഓളം ചിത്രങ്ങളിൽ വേഷമിട്ട ആസിഫ് അലി, തന്നെ ആരാധകർ ഇക്ക എന്ന് വിളിക്കുന്നത് ഇഷ്ടപ്പെടുന്നു എന്നാണ് പറയുന്നത്.

ആസിഫ് ഇക്ക എന്ന അവരുടെ വിളി അവർക്ക് തന്നോടുളള ഇഷ്ടം കാണിക്കുന്നതാണെന്നും അതിൽ മതപരമായ ഒന്നുമില്ലെന്നുമാണ് ആസിഫ് അലി പറഞ്ഞത്. ഒരു പരിചയവും ഇല്ലാത്തവർ പോലും ഇക്ക എന്ന് വിളിച്ചു തന്റെ അടുത്ത് വരുന്നത് ജാതിയും മതവുമായി ബന്ധമുള്ളതുകൊണ്ട് അല്ലെന്നും, ഇക്ക എന്ന വിളി ആണ് തനിക്ക് ഇഷ്ടമാണ് എന്നും ആസിഫ് അലി പറഞ്ഞു.

അതേ സമയം ടോവിനോ തോമസ് പറയുന്നത്, തന്നെ ഇച്ഛായൻ എന്ന് വിളിക്കുന്ന ക്രിസ്ത്യൻ ആയത് കൊണ്ടാണ് എന്നും അതുകൊണ്ട് തന്നെ അത്തരത്തിൽ ഉള്ള വിളി താൻ ഇഷ്ടപ്പെടുന്നില്ല എന്നുമാണ്, തന്നെ ടോവി എന്നോ ചേട്ടാ എന്നോ വിളിക്കുന്നത് ആണ് ഇഷ്ടം എന്നും ടോവിനോ തോമസ് പറയുന്നത്.