അനിയത്തിക്ക് ആദ്യമായി ആർത്തവം; വീട്ടിൽ ചേട്ടൻ മാത്രം; കയ്യടി നേടി ആദ്യ..!!

84

വീട്ടിൽ സഹോദരൻ മാത്രമുള്ളപ്പോൾ അനിയത്തിക്ക് ആദ്യ ആർത്തവം ഉണ്ടായാൽ എന്തുചെയ്യും? വളരെ വ്യത്യസ്തമായ പ്രമേയത്തിലൂടെ ശ്രദ്ധേയമാകുകയാണ് ‘ആദ്യ’ എന്ന ഹ്രസ്വചിത്രം. അച്ഛനും അമ്മയും വീട്ടിലില്ലാത്തപ്പോൾ അനിയത്തിക്ക് ആദ്യമായി ആർത്തവമുണ്ടാകുന്നു.

അനാവശ്യ ടെൻഷനുകൾ കാണിക്കാതെ അനിയത്തിയെ പരിപാലിക്കുന്ന സഹോദരൻ. അനിയത്തിയും ചേട്ടനും തമ്മിലുള്ള സ്നേഹബന്ധം ലളിതമായി, മനോഹരമായി ‘ആദ്യ’ പറഞ്ഞുവെക്കുന്നു. മികച്ച പ്രതികരണമാണ് ഈ കുഞ്ഞുചിത്രത്തിന് സോഷ്യൽ മീഡിയയിലുൾപ്പെടെ ലഭിക്കുന്നത്. നന്ദിന്‍ കാര്‍ത്തികേയനാണ് ചിത്രം സംവിധാനം ചെയ്തിരിക്കുന്നത്.

എസ് ഹരിശങ്കര്‍ ആണ് തിരക്കഥ. അലീന സുനീഷ്, ആശിഷ് കളീക്കന്‍ എന്നിവരാണ് അഭിനയിച്ചിരിക്കുന്നത്. ആശിഷ് ജോര്‍ജ് ആണ് ഛായാഗ്രഹണം. ബങ്ക്ഡ് അവേഴ്‌സ് ആണ് നിര്‍മ്മാണം.