മോഹൻലാലിന്റെ ബിഗ് ബ്രദറിൽ മിർണ മേനോനും ഹണി റോസും നായികമാർ; ചിത്രീകരണം തുടങ്ങി..!!
ഇട്ടിമാണി മെയിഡ് ഇൻ ചൈന എന്ന ചിത്രത്തിന് ശേഷം മോഹൻലാൽ അഭിനയിക്കുന്ന ചിത്രമാണ് ബിഗ് ബ്രദർ, ലേഡീസ് ആൻഡ് ജെന്റിൽമാൻ എന്ന ചിത്രത്തിന് ശേഷം സിദ്ദിഖ് ഒരുക്കുന്ന ചിത്രത്തിൽ മോഹൻലാൽ സച്ചിദാനന്ദൻ എന്ന കഥാപാത്രം ആയി ആണ് എത്തുന്നത്.
ഹണി റോസ്, ഇട്ടിമാണി എന്ന ചിത്രത്തിന് ശേഷം വീണ്ടും മോഹൻലാലിന് ഒപ്പം എത്തുന്നത്, പുതുമുഖ നടി ഗാഥ, മിർണ മേനോൻ, ഹണി റോസ് എന്നിവർ ആണ് ലീഡിങ് നായികമാരായി ചിത്രത്തിൽ എത്തുന്നത്.
എസ് ടാക്കീസിൻ്റെ ബാനറിൽ ജെൻസോ ജോസും വൈശാഖ സിനിമയുടെ ബാനറിൽ വൈശാഖ രാജനും ഷാ മാൻ ഇൻ്റര്നാഷണലിൻ്റെ ബാനറിൽ ഷാജിയും മനു ന്യൂയോർക്കും ചേർന്നാണ് ചിത്രം നിർമ്മിക്കുന്നത്. വമ്പൻ ബജറ്റിൽ ആണ് ചിത്രം എത്തുന്നത്.
ചിത്രത്തിൽ മോഹൻലാലിൻ്റെ സഹോദരങ്ങളായി എത്തുന്നത് നടൻ അനൂപ് മേനോനും ജൂൺ എന്ന ചിത്രത്തിൽ കൂടി ശ്രദ്ധേയനായ ഷാർജനോ ഖാലിദും ആണ്.
90 ദിവസങ്ങൾ ആണ് ചിത്രത്തിന്റെ ചിത്രീകരണം നടക്കുക, എറണാകുളം, ബംഗളൂരു, മംഗലാപുരം എന്നിവിടങ്ങളിൽ ആണ് പ്രധാന ലൊക്കേഷനുകൾ, വിഷ്ണു ഉണ്ണികൃഷ്ണൻ, സിദ്ദിക്ക്, ടിനി ടോം, ജനാർദ്ദനൻ, ചെമ്പൻ വിനോദ് എന്നിവരും ചിത്രത്തിൽ പ്രധാന വേഷങ്ങൾ ചെയ്യുന്നു, ദീപക് ദേവ് ആണ് സംഗീത സംവിധാനം, റഫീക്ക് അഹമ്മദ് ആണ് വരികൾ എഴുതുന്നത്.