എന്റെ യഥാർത്ഥ സൗന്ദര്യം മോഹൻലാലിനൊപ്പം ആ ചിത്രത്തിൽ; മഞ്ജു വാര്യർ..!!

മലയാളത്തിലെ ലേഡി സൂപ്പർ സ്റ്റാർ എന്ന് അറിയപ്പെടുന്ന മഞ്ജു വാര്യർ വിദ്യാഭ്യാസ കാലം മുതൽ തന്നെ കല രംഗത്ത് പ്രതിഭ തെളിയിച്ച ആൾ ആണ്. രണ്ടു വർഷം സംസ്ഥാന യുവജനോത്സവ വേദിയിൽ കല തിലകം ആയ താരം ആദ്യമായി അഭിനയ ലോകത്തേക്ക് എത്തുന്നത് സാക്ഷ്യം എന്ന ചിത്രത്തിൽ കൂടി ആയിരുന്നു. തുടർന്ന് ദിലീപിന്റെ നായികയായി സല്ലാപത്തിൽ എത്തിയതോടെ ആണ് മഞ്ജു പ്രേക്ഷക ശ്രദ്ധ നേടുന്നത്..

1995 മുതൽ 99 വരെ മലയാള സിനിമയിൽ ശ്രദ്ധേയമായ ഒട്ടേറെ കഥാപാത്രങ്ങൾ ചെയ്ത മഞ്ജു ദിലീപുമായി വിവാഹം കഴിക്കുന്നതോടെ സിനിമയിൽ നിന്നും താൽക്കാലിമായി പിന്മാറി എന്ന് വേണം പറയാൻ. മലയാളത്തിന്റെ സൂപ്പർതാരം മോഹൻലാലിനൊപ്പം കന്മദം ആറാംതമ്പുരാൻ എന്നീ ചിത്രങ്ങൾ അഭിനയിച്ച മഞ്ജു വാര്യർ തന്റെ യഥാർത്ഥ സൗന്ദര്യം കണ്ട കഥാപാത്രം മോഹൻലാൽ നായകനായി എത്തിയ കന്മദത്തിൽ ആണെന്ന് പറയുന്നു. മലയാളത്തിന്റെ ലേഡി സൂപ്പർസ്റ്റാർ ആയി വിലസുമ്പോഴും തമിഴിൽ ഒരു ചിത്രവും തെലുങ്കിലും ഹിന്ദിയിലും അഭിനയിച്ചിട്ട് പോലും ഇല്ല താരം. ഒരു നടിക്ക് വേണ്ട സൗന്ദര്യം തനിക്ക് ഇല്ല എന്ന് പറയുന്ന മഞ്ജു.

തന്റെ സൗന്ദര്യത്തെ കുറിച്ച് പറയുന്നത് ഇങ്ങനെ…

മലയാള സിനിമക്ക് വേണ്ടുന്നത് ആന്തരികമായ സൗന്ദര്യമാണ്. അതിന്റെ ഉദാഹരണം ലോഹി സാർ സംവിധാനം ചെയ്ത ‘കന്മദം’ എന്ന ചിത്രത്തിലെ ഭാനു എന്ന കഥാപാത്രമാണ് അവളുടെ നിറം കറുപ്പാണ്. പരുക്കൻ സ്വഭാവക്കരിയാണ് ഭാനു. കരുത്തുറ്റ സ്ത്രീകഥാപാത്രമായിരുന്നു ഭാനു. എന്നോട് ഇപ്പോഴും പ്രേക്ഷകർ ഭാനു എന്ന കഥാപാത്രത്തെക്കുറിച്ച് ചോദിക്കാറുണ്ട്. എന്നെ സംബന്ധിച്ച് ഭാനുവാണ് എന്റെ സൗന്ദര്യം മഞ്ജു വ്യക്തമാക്കുന്നു.