ഇനി ജയിച്ചിട്ടും കാര്യമില്ല ഇന്ത്യ പുറത്തായി; ന്യൂസിലാന്റ് സെമി ഫൈനലിൽ..!!

98

രണ്ട് കളി ദയനീയമായി പരാജയപ്പെട്ട ഇന്ത്യ പിന്നീട് രണ്ട് കളികൾ ഗംഭീരമായി ജയിച്ചു എങ്കിലും അടുത്ത കളി കളിക്കാതെ തന്നെ പുറത്തായി.

ന്യൂസിലാൻഡ് അഫ്ഗാനിസ്ഥാൻ മത്സരത്തിൽ ന്യൂസിലാൻഡ് വിജയം നേടിയപ്പോൾ ഇപ്പോൾ ഗ്രൂപ്പിൽ പാകിസ്ഥാനെയും മറികടന്ന് ന്യൂസിലാൻഡ് ഒന്നാം സ്ഥാനത്തു എത്തി. 5 മത്സരങ്ങളിൽ നിന്നും 4 എണ്ണം വിജയിച്ച ന്യൂസിലാൻഡ് ആകെ തോറ്റത് പാകിസ്ഥാനോട് മാത്രമായിരുന്നു.

അതുപോലെ പാകിസ്ഥാൻ 4 മത്സരത്തിൽ കളിച്ചപ്പോൾ ഇതുവരെയും ഒന്നുപോലും തോറ്റില്ല. ഇംഗ്ലണ്ട് ഓസ്ട്രേലിയ പാകിസ്ഥാൻ ന്യൂസിലാൻഡ് എന്നി ടീമുകൾ ആയിരിക്കും സെമി ഫൈനൽ കളിക്കുക.

ഇന്ന് നടന്ന ന്യൂസിലാൻഡ് അഫ്ഗാനിസ്ഥാൻ മാച്ചിൽ ടോസ് ലഭിച്ച അഫ്ഘാനിസ്ഥാൻ ആദ്യം ബാറ്റ് ചെയ്യുക ആയിരുന്നു. നിശ്ചിത 20 ഓവറിൽ 8 വിക്കറ്റ് നഷ്ടത്തിൽ 124 റൺസ് ആണ് അഫ്ഘാനിസ്ഥാൻ നേടിയത്. അഫ്ഗാൻ ബാറ്റെർ നജീബുല്ല 73 റൺസ് നേടി. ട്രെൻഡ് ബോൾട്ട് 3 വിക്കറ്റ് വീഴ്ത്തിയപ്പോൾ സൗത്തി 2 വിക്കറ്റ് നേടി.

മറുപടി ബാറ്റിംഗ് ഇറങ്ങിയ ന്യൂസിലാൻഡ് 2 വിക്കറ്റ് നഷ്ടപ്പെടുത്തി 18.1 ഓവറിൽ ആയിരുന്നു വിജയം നേടിയത്. കെയ്ൻ വില്ലംസൺ 40 റൺസ് നേടി പുറത്താകാതെ നിന്നു. നാളെ ആണ് ഇന്ത്യൻ ടീമിന്റെ അവസാന മത്സരം. നമീബിയ ആണ് ഇന്ത്യയുടെ എതിരാളികൾ.