ബാബറിന് ഒന്നാം റാങ്ക്; ആദ്യ അഞ്ചിൽ ഒരു ഇന്ത്യൻ ബാറ്ററുമില്ല; ബോളന്മാരുടെ അവസ്ഥ ദയനീയം..!!

ട്വന്റി 20 വേൾഡ് കപ്പ് ആവേശകരമായി തന്നെ അവസാനിച്ചു. ഇന്ത്യക്ക് സെമി ഫൈനൽ പോലും കാണാൻ കഴിഞ്ഞില്ല. എന്നാൽ ഇപ്പോൾ ട്വന്റി 20 ക്രിക്കറ്റിൽ ബാറ്റർമാരുടെ റാങ്കിങ് വന്നതോടെ ആദ്യ അഞ്ചിൽ ലോകോത്തര ടീം ആയ ഇന്ത്യയുടെ ഒരു താരം പോലുമില്ല.

ഒന്നാം റാങ്കിങ്ങിൽ ഉള്ളത് പാക്കിസ്ഥാൻ ക്യാപ്റ്റൻ ബാബർ അസം ആണ്. അഞ്ചാം സ്ഥാനത്തിൽ നേരത്തെ ഉണ്ടായിരുന്ന കെ എൽ രാഹുൽ ആയിരുന്നു ഇന്ത്യയുടെ ഏക ആശ്വാസം. എന്നാൽ ഇപ്പോൾ പുത്തൻ ലിസ്റ്റിൽ ആറാം സ്ഥാനത്തു ആണ് കെ എൽ രാഹുൽ.

ലോകകപ്പ് ക്യാപ്റ്റൻ വിരാട് കോഹ്ലി ഉള്ളത് എട്ടാം സ്ഥാനത്തിൽ തന്നെയാണ്. നേരത്തെയും എട്ടാം സ്ഥാനത്തിൽ ആയിരുന്നു. ബാറ്റർമാരുടെ പട്ടികയിൽ ഇംഗ്ലണ്ട് ടീമിന്റെ ഡേവിഡ് മാലൻ ആണ് രണ്ടാം സ്ഥാനത്തിൽ ഉള്ളത്. ദക്ഷിണാഫ്രിക്കയുടെ എയിഡൻ മർക്രം ആണ് മൂന്നാം സ്ഥാനത്തിൽ ഉള്ളത്.

ബോളന്മാരുടെ പട്ടികയിൽ ഇന്ത്യൻ ടീമിൽ നിന്നും ആരും തന്നെയില്ല. ബൗളിങ്ങിൽ ശ്രീലങ്കയുടെ വനിന്തു ഹസരങ്കയാണ്‌ ഒന്നാം സ്ഥാനത്തിൽ ഉള്ളത്. രണ്ടാം സ്ഥാനത്തിൽ ദക്ഷിണാഫ്രിക്കയുടെ ടബിരിയാസ് ഷംസിയാണ്.