ശബരിമല; മതവികാരം വ്രണപ്പെടുത്തിയ കേസിൽ ലിബിയുടെ മുൻകൂർ ജാമ്യം തള്ളി; അറസ്റ്റ് ഉണ്ടായേക്കും..!!
എറണാകുളം: ശബരിമലയിൽ യുവതി പ്രവേശന വിധി വന്നതിന് ശേഷം ശബരിമല ദർശനത്തിന് പോകാൻ ശ്രമം നടത്തി ശ്രദ്ധ നേടിയ മലയാളി യുവതികളിൽ ഒരാൾ ആണ് ലിബി.
അവിശ്വാസിയും ആക്ടിവിസ്റ്റും ആണെന്നുള്ള പ്രഖ്യാപനത്തോടെയാണ് ചേർത്തല സ്വദേശിയായ ലിബി ശബരിമല ദർശനത്തിന് ഒരുങ്ങിയത്. 2018 ഒക്ടോബര്‍ 15നും ഡിസംബര്‍ 18 നുമാണ് ഇവര്‍ മതവികാരം വൃണപ്പെടുത്തി പോസ്റ്റ് ഇട്ടത്. മാധ്യമങ്ങളില്‍ പ്രചരിപ്പിച്ചതിന് പ്രഥമദൃഷ്ട്യാ കേസുണ്ടെന്നും കുറ്റം ഗൗരവമേറിയതാണെന്നും കസ്റ്റഡിയില്‍ ചോദ്യം ചെയ്യേണ്ടതുണ്ടെന്നും ഉത്തരവില്‍ പറയുന്നു.
ലിബി സമര്‍പ്പിച്ച മുന്‍കൂര്‍ ജാമ്യാപേക്ഷ എറണാകുളം പ്രിന്‍സിപ്പല്‍ സെഷന്‍സ് കോടതി തള്ളുകയും തുടർന്ന് ഉടൻ അറസ്റ്റിലേക്ക് ആവശ്യമായ നടപടികളിലേക്ക് നീങ്ങും എന്നാണ് അറിയുന്നത്.
മതസ്പര്‍ധ വളര്‍ത്തുക, വ്യക്തിയുടെ മതവികാരം വ്രണപ്പെടുത്തുക, സാമൂഹ്യ മാധ്യമങ്ങളിലൂടെ ആക്ഷേപിക്കുന്ന സന്ദേശം പ്രചരിക്കുക എന്നീ കുറ്റങ്ങള്‍ ലിബിക്കെതിരെ സെന്‍ട്രല്‍ പൊലീസ് ചുമത്തിയിരുന്നു.