തൃശ്ശൂരിൽ നിന്നും ഒരേ ദിവസം കാണാതായ പെൺകുട്ടികളെ കണ്ടെത്തിയത് കൊല്ലത്ത്; പോയത് മൊബൈൽ പ്രണയത്തിനൊടുവിൽ..!!

29

തൃശൂരിൽ നിന്നും ഒരേ ദിവസം കാണാതായത് 6 പെൺകുട്ടികളെ. ഇതിൽ ഒരാൾ ഒഴികെ ബാക്കി എല്ലാവരും പോയത് സാമൂഹിക മാധ്യമങ്ങൾ വഴി സൗഹൃദത്തിൽ ആയവർക്ക് ഒപ്പം ആയിരുന്നു. എന്നാൽ പ്രായപൂർത്തി ആകാത്ത പെൺകുട്ടി മാത്രം വീട്ടിലെ പ്രശ്നങ്ങൾ മൂലമാണ് ഒളിച്ചോടിയിരിക്കുന്നത്.

എല്ലാവരും തൃശൂർ ജില്ലയിൽ നിന്നും ഉള്ളവർ ആണ് എന്നുള്ളതും എല്ലാവരെയും പോലീസ് സംഘം കണ്ടെത്തിയിരിക്കുന്നത് കൊല്ലത്ത്‌ നിന്നും ആണ് എന്നുള്ളതുമാണ് ശ്രദ്ധേയം. തൃശൂര്‍ ജില്ലയിലെ പുതുക്കാട്, മാള, പാവറട്ടി, ചാലക്കുടി, വടക്കാഞ്ചേരി, എന്നിവിടങ്ങളില്‍ നിന്നായിരുന്നു പെണ്‍കുട്ടികളെ കാണാതായത്.

ഇവരില്‍ ഒരാള്‍ പ്രായപൂര്‍ത്തിയാകാത്ത സ്‌കൂള്‍ വിദ്യാര്‍ത്ഥിയും മറ്റുള്ളവര്‍ കോളേജ് വിദ്യാര്‍ത്ഥിനികളുമായിരുന്നു. എല്ലാവരും ഒരുമിച്ചാണോ പോയത് ആരെങ്കിലും കൂട്ടിക്കൊണ്ടു പോയതാണോ തുടങ്ങിയ വിവരങ്ങള്‍ പൊലീസ് ഇപ്പോള്‍ വ്യക്തമാക്കുന്നില്ല. തൃശ്ശൂര്‍ സിറ്റിയിലേയും റൂറലിലേയും പൊലീസ് ഉദ്യോഗസ്ഥര്‍ ഒരു സംഘമായാണ് പെണ്‍കുട്ടികള്‍ക്കു വേണ്ടിയുള്ള തിരച്ചില്‍ ആരംഭിച്ചത്.

മറ്റു ജില്ലകളിലെ വിവിധ സ്‌റ്റേഷനുകളിലേക്ക് പെണ്‍കുട്ടികളെ സംബന്ധിച്ച വിവരങ്ങള്‍ കൈമാറിയിരുന്നു. ഇതിന്റെ അടിസ്ഥാനത്തിലാണ് ഇന്നു രാവിലെയോടെ കൊല്ലത്ത് നിന്നും പെണ്‍കുട്ടികളെ കണ്ടെത്തിയ വിവരം അന്വേഷണ സംഘത്തിന് ലഭിക്കുന്നത്.