പ്രശസ്ത നടിയായിട്ടും അഞ്ജനയുടെ ജീവിതം ഇപ്പോഴും വാടക വീട്ടിൽ; കണ്ണീരിൽ കുതിർന്ന ജീവിതകഥ പറഞ്ഞ് നടി..!!
ഹാസ്യ സീരിയലിലും സിനിമയിലെ കോമഡി വേഷങ്ങളിൽ മറ്റുമായി തിളങ്ങി നിൽക്കുന്ന നടിയാണ് അഞ്ജന അപ്പുക്കുട്ടൻ (anjana appukuttan). മാധ്യമ പ്രവർത്തകൻ ആയ അപ്പുക്കുട്ടൻ നായരുടെയും വീട്ടമ്മയായ വിജയലക്ഷ്മിയുടെയും മകൾ ആണ് അഞ്ജന.
അച്ഛന്റെ സ്ഥലമാറ്റങ്ങൾ മൂലം പലയിടങ്ങളിൽ ആയി ആണ് അജ്ഞനയും സഹോദരൻ ഗണേഷും വളർന്നത്. ബാംഗ്ലൂരിൽ ജനിച്ച അഞ്ജന ഒന്നാം ക്ലാസിൽ പഠിക്കുമ്പോൾ ആണ് കൊച്ചിയിൽ എത്തിയത്. തിരുവല്ലയാണ് സ്വന്തം സ്ഥലമെങ്കിൽ കൂടിയും കൊച്ചിയിൽ സ്ഥിരതാമസം ആക്കിയ അഞ്ജനയുടെ അച്ഛന്റെ വീട് വിൽക്കേണ്ടി വരുകയും ബന്ധു വാങ്ങിയ വീട്ടിൽ ഇടക്ക് സർപ്പകാവിൽ വിളക്ക് വെക്കുവാൻ താൻ പോകാറുണ്ട് എന്നും അഞ്ജന പറയുന്നു.
നാഗർകോവിൽ സ്വദേശിയാണ് അമ്മ, അമ്മയുടെ വീടും വിറ്റ്പോയി, അവിടെ ഇപ്പോൾ മറ്റൊരു വീടാണ് ഉള്ളത്. ജനിച്ച വീട് കാണാതെ പോയതിൽ സങ്കടം ഉണ്ടെന്ന് അഞ്ജന പറയുന്നു.
എന്നാൽ ഇതുവരെ സ്വന്തമായി ഒരു വീട് ഉണ്ടക്കാൻ തനിക്ക് കഴിഞ്ഞില്ല എന്നും അഞ്ജന സങ്കടത്തോടെ പറയുന്നു, സ്വന്തമായി ഒരു വീട് എന്നുള്ള സ്വപ്നവുമായി മുന്നേറുമ്പോൾ ആയിരുന്നു അച്ഛന്റെ മരണം, ജീവിതം തകർന്നു പോയ നിമിഷം ആയിരുന്നു അത്. ഇപ്പോൾ അച്ഛൻ മരിച്ചിട്ട് ഒരു വർഷമായി, എല്ലാവരും വീണ്ടും ജീവിതത്തിലേക്ക് തിരിച്ചു വരുന്നതെ ഉള്ളൂ.