തന്നെ കുറിച്ച് മോശമായി എഴുതുന്നവർക്ക് മറുപടിയുമായി മോഹൻലാൽ..!!
ഇന്ന് ജനങ്ങൾ ഏറ്റവും കൂടുതൽ സമയം എന്റർടൈൻമെന്റ് ആയി ചിലവഴിക്കാൻ ഇഷ്ടപ്പെടുന്നത് സോഷ്യൽ മീഡിയ പ്ലാറ്റ് ഫോമുകളിൽ ആണ്. എന്നാൽ നല്ല കാര്യങ്ങൾക്ക് ആയി സോഷ്യൽ മീഡിയ ഉപയോഗിക്കുന്നവർക്ക് ഒപ്പം തന്നെ മോശമായി സോഷ്യൽ മീഡിയ ഉപയോഗിക്കുന്ന ഒരു വലിയ വിഭാഗവുമുണ്ട്.
വിമർശനങ്ങൾ കൊണ്ടും മോശമായ പദപ്രയോഗങ്ങൾ കൊണ്ടും വേദനിപ്പിക്കുന്ന ഒട്ടേറെ ആളുകൾ ഉണ്ട്. മോഹൻലാൽ അടക്കമുള്ള സിനിമ താരങ്ങൾ പലപ്പോഴും ഇതിന് പാത്രമായി മാറാറുമുണ്ട്. ഇപ്പോൾ മോഹൻലാൽ തനിക്ക് എതിരെ സാമൂഹിക മാധ്യമങ്ങളിൽ നടക്കുന്ന മോശം പരാമർശങ്ങൾക്ക് എതിരെ യൂട്യൂബ് ചാനലിൽ നൽകിയ അഭിമുഖത്തിൽ ആണ് മോഹൻലാൽ മനസ്സ് തുറന്നത്.
സോഷ്യൽ മീഡിയയിൽ മോഹൻലാൽ എന്ന താരത്തിനെ കുറിച്ച് നിരവധി വിമർശനങ്ങൾ വരുമ്പോൾ അതിനൊന്നും മുഖവില കൊടുക്കാത്ത ആൾ കൂടിയാണ് മോഹൻലാൽ. തന്റെ സിനിമയെ കുറിച്ചും താൻ എഴുതുന്ന ബ്ലോഗുകളെ കുറിച്ചും മോശം വരുന്നത് മറ്റുള്ളവർ പറയുമ്പോൾ ആണ് താൻ അറിയുന്നത് എന്ന് മോഹൻലാൽ പറയുന്നു.
ബുദ്ധിമുട്ട് ഉണ്ടാക്കുന്ന ഒന്നും മനസിലേക്ക് എടുക്കാൻ തോന്നാത്തത് കൊണ്ടാണ് ഇത്തരത്തിലുള്ള രീതി അവലംബിക്കുന്നത് എന്നാണ് മോഹൻലാൽ പറയുന്നത്. മുഖങ്ങൾ ഇല്ലാത്ത ഐഡികളിൽ നിന്നും ആണ് തനിക്ക് ഏറ്റവും കൂടുതൽ വിമർശനങ്ങൾ വരാറുള്ളത്. ഇതൊക്കെ വായിക്കുമ്പോൾ അല്ലെ നമുക്ക് ബുദ്ധിമുട്ട് ഉണ്ടാവുക.
അങ്ങനെ ആണെങ്കിൽ അത് വായിക്കാതെ ഇരുന്നാൽ പോരെ.. മോഹൻലാൽ ചോദിക്കുന്നു. ഇതുപോലെ മോശം എഴുതുമ്പോൾ അവർക്ക് ജീവിതത്തിൽ സന്തോഷം ലഭിക്കുന്നു എങ്കിൽ അത് നല്ലകാര്യമല്ലേ എന്നും മോഹൻലാൽ പറയുന്നു. വളരെ മോശമായ കാര്യങ്ങൾ അവർ എഴുത്തും.
അപ്പോൾ അവർ അല്ലെ അതൊക്കെ തിരിച്ചറിഞ്ഞ് മാറേണ്ടത്. സോഷ്യൽ മീഡിയ എന്നത് നല്ലരീതിയിൽ ഉപയോഗിക്കാനാണ് എനിക്ക് ഇഷ്ടം. മോശം പ്ലാറ്റ് ഫോം ആയി ഉപയോഗിക്കുന്നവരോട് തനിക്ക് സഹതാപം മാത്രമേ ഉള്ളൂ – മോഹൻലാൽ കൂട്ടിച്ചേർത്തു.