വീണ്ടും വിവാഹം; ഉടൻ വിവാഹം ഉണ്ടാവുമെന്ന് ബിഗ് ബോസ് താരം ദയ അച്ചു..!!

കേരളത്തിൽ ഏറ്റവും കൂടുതൽ ഫാൻസ്‌ പിന്തുണ ഉണ്ടായ റിയാലിറ്റി ഷോ ആയിരുന്നു ബിഗ് ബോസ് മലയാളം സീസൺ 2. മോഹൻലാൽ അവതാരകനായി എത്തിയ പ്രോഗ്രാം കൊറോണ കാരണം പാതിവഴിയിൽ ഉപേക്ഷിച്ചു.

എന്നാൽ മത്സരാർത്ഥികൾ എല്ലാവരും തന്നെ ലോക്ക് ഡൌൺ ആണെങ്കിൽ കൂടിയും സോഷ്യൽ മീഡിയയിൽ സജീവ സാന്നിധ്യമായി ഉണ്ട്. 2020 ജനുവരി 5 നു ആയിരുന്നു ബിഗ് ബോസ് മലയാളം സീസൺ 2 തുടങ്ങുന്നത്. തുടർന്ന് കുറെ താരങ്ങൾ കണ്ണിൽ അസുഖം വന്നു താത്കാലികമായി പുറത്തേക്ക് പോയതോടെയാണ് വൈൽഡ് കാർഡ് എൻട്രി വഴി ദയ അശ്വതി എത്തുന്നത്.

ചെറിയ കാര്യങ്ങളിൽ പോലും കരയുകയും പിണങ്ങുകയും ഒക്കെ ചെയ്യുന്ന ദയക്ക് വലിയ ആരാധക പിന്തുണ ഉണ്ടായിരുന്നു. ബിഗ് ബോസ് എത്തിയ സമയം രജിത് കുമാറുമായി ഒപ്പം നിന്ന് ഗെയിം കളിച്ച താരം അവസാനം ആയപ്പോൾ രജിത് കുമാറുമായി വഴക്കുകളിലേക്ക് മാറിയിരുന്നു.

ജീവിതത്തിൽ ഒട്ടേറെ ബുദ്ധിമുട്ടുകൾ തരണം ചെയ്താണ് താൻ എവിടെ എത്തിയത് എന്ന് പലപ്പോഴും ദയ പറഞ്ഞിരുന്നു. പതിനാറാം വയസിൽ ആയിരുന്നു എന്റെ വിവാഹം എന്നും തുടർന്ന് മക്കൾ ഉണ്ടായി എങ്കിൽ കൂടിയും 22 വയസിൽ ഭർത്താവ് മറ്റൊരു വിവാഹവും കഴിച്ചു എന്ന് പറഞ്ഞ ദയ.

വീണ്ടും വിവാഹിതയാകുന്നു എന്നാണ് കഴിഞ്ഞ ദിവസം സോഷ്യൽ മീഡിയയിൽ കുറിച്ചത്. കൊറോണ പ്രശ്നങ്ങൾ കഴിഞ്ഞാൽ ഉടൻ വിവാഹം ഉണ്ടാവും എന്നാണ് ദയ പറയുന്നത്.