മഞ്ജുവിനേയും സംഘത്തെയും രക്ഷപ്പെടുത്തണം എന്ന ആവശ്യവുമായി ദിലീപ് തന്നെ വിളിച്ചു; ഹൈബി ഈഡൻ..!!

മലയാളികളുടെ പ്രിയനടി മഞ്ജു വാര്യരും സംഘവും ആണ് ഹിമാചലിൽ ഉണ്ടായ വലിയ പ്രളയത്തിലും മണ്ണിടിച്ചിലും കുടുങ്ങിയത്. ചുറ്റും വെള്ളത്തിൽ മുങ്ങിയതോടെയാണ് സിനിമ സംഘം അവിടെ കുടുങ്ങിയത്.

ഇവർക്ക് ആവശ്യമായ വെള്ളവും ഭക്ഷണവും എത്തിച്ചു നൽകി എന്നാണ് ഹിമാചൽ സർക്കാർ അറിയിച്ചിരിക്കുന്നത്.

എന്നാൽ, മഞ്ജുവും സംഘത്തിനേയും രക്ഷിക്കാൻ ആവശ്യമായ നടപടികൾ നടത്തണം എന്നുള്ള ആവശ്യമായി നടനും മഞ്ജു വാര്യരുടെ മുൻ ഭർത്താവുമായി ദിലീപ് തന്നെ വിളിച്ചു എന്നാണ് എറണാകുളം എം പിയായ ഹൈബി ഈഡൻ സോഷ്യൽ മീഡിയയിൽ കുറിച്ചത്.

പോസ്റ്റിന്റെ പൂർണ്ണ രൂപം ഇങ്ങനെ,

മഞ്ജു വാര്യരും സംഘവും ഹിമാചലിലെ ചത്രു എന്ന സ്ഥലത്ത് പ്രളയത്തിൽ കുടുങ്ങി കിടക്കുകയാണ്. ഇരുന്നൂറോളം വരുന്ന സംഘത്തോടൊപ്പമാണ് മഞ്ജു വാര്യരുമുള്ളത്. മഞ്ജുവിനോടൊപ്പമുള്ള സംഘത്തിൽ 30 ഓളം പേരാണുള്ളത്. അവരുടെ സഹോദരൻ മധു വാര്യരുമായി സാറ്റലൈറ്റ് ഫോൺ വഴി ബന്ധപ്പെട്ടു എന്നാണ് അറിയാൻ സാധിക്കുന്നത്. രണ്ട് ദിവസത്തേക്കുള്ള ഭക്ഷണം മാത്രമാണ് അവരുടെ പക്കലുള്ളത്.

നടൻ ദിലീപാണ് തന്നെ വിളിച്ച് ഇക്കാര്യം അറിയിച്ചത്. രക്ഷപ്പെടുത്തുന്നതിനുള്ള നടപടികൾ സ്വീകരിക്കണമെന്ന് അദ്ദേഹം ആവശ്യപ്പെട്ടു. കേന്ദ്ര ധനകാര്യ സഹ മന്ത്രിയും ഹിമാചലിൽ നിന്നുള്ള എം. പി യുമായ അനുരാഗ് താക്കൂറുമായി ബന്ധപ്പെട്ടു. രക്ഷാ പ്രവർത്തനത്തിന് ആവശ്യമായ എല്ലാ നടപടികളും സ്വീകരിക്കാമെന്ന് അദ്ദേഹം ഉറപ്പ് നൽകിയിട്ടുണ്ട്. മഞ്ജു വാര്യരുടെയും സംഘത്തിന്റെയും തിരിച്ചു വരവിനായി നമുക്ക് പ്രാർത്ഥിക്കാം.

https://www.facebook.com/62528907259/posts/10156188197957260/