സിനിമ ലോകം കീഴടക്കി എന്നാൽ ദാമ്പത്യ ജീവിതം ദാരുണ പരാജയമായി മാറി; നടി സുകന്യക്ക് ജീവിതത്തിൽ സംഭവിച്ചത്..!!

639

തെന്നിന്ത്യൻ സിനിമ ലോകം കണ്ട എക്കാലത്തെയും മികച്ച നടിമാരുടെ കൂട്ടത്തിൽ തന്നെയാണ് സുകന്യയുടെ സ്ഥാനം. അഭിനേതാവ് എന്നതിന് അപ്പുറത്ത് ഗായിക ആയും മ്യൂസിക് കമ്പോസർ ആയും ഡബ്ബിങ് ആർട്ടിസ്റ്റ് ആയും എല്ലാം തിളങ്ങിയ ആൾ ആണ് സുകന്യ. 1991 ൽ ആയിരുന്നു സുകന്യ അഭിനയ ലോകത്തിലേക്ക് എത്തുന്നത്.

തമിഴ് സിനിമയിൽ കൂടി ആയിരുന്നു താരത്തിന്റെ തുടക്കം. പിന്നീട് മലയാളത്തിലും തെലുങ്കിലും കന്നടയിലും എല്ലാം ശ്രദ്ധ നേടുന്ന വേഷങ്ങൾ ചെയ്യാൻ താരത്തിന് കഴിഞ്ഞു എന്ന് വേണം പറയാൻ. ഒരു തമിഴ് നാട് സ്വദേശിനി ആയിട്ട് കൂടി മലയാളികൾ ഇരുകയ്യും നീട്ടി സ്വീകരിച്ച ആൾ ആണ് സുകന്യയുടേത്. മലയാളിത്തം നിറഞ്ഞ മുഖമുള്ള ആൾ കൂടി ആയിരുന്നു സുകന്യയുടേത്.

sukanya actress

1992 ൽ ഐ വി ശശി സംവിധാനം ചെയ്ത അപാരത എന്ന ചിത്രത്തിൽ കൂടി ആയിരുന്നു താരം മലയാള സിനിമയിലേക്ക് എത്തുന്നത്. തുടർന്ന് രക്ത സാക്ഷികൾ സിന്ദാബാദ്, തൂവൽ കൊട്ടാരം, ചന്ദ്ര ലേഖ, അമ്മ അമ്മായിയമ്മ തുടങ്ങി നിരവധി ചിത്രങ്ങൾ താരം ചെയ്തു. മലയാളത്തിലെ സൂപ്പർ താരങ്ങൾ ആയിരുന്ന മോഹൻലാൽ, മമ്മൂട്ടി, ജയറാം, റഹ്മാൻ, മുകേഷ് എന്നിവർക്കൊപ്പം എല്ലാം അഭിനയിക്കാൻ കഴിഞ്ഞ ആൾ കൂടിയാണ് സുകന്യ എന്ന് വേണം പറയാൻ.

1998 ൽ ആയിരുന്നു താരത്തിന്റെ കരിയർ അവസാനിക്കുന്നത്. മലയാളത്തിൽ മമ്മൂട്ടിയുടെ നായികയായി എത്തിയ സാഗരം സാക്ഷിയും മോഹൻലാലിനൊപ്പം അഭിനയിച്ച ചന്ദ്ര ലേഖയും എല്ലാം മലയാളികൾ ഇന്നും മറക്കാത്ത ചിത്രങ്ങൾ ആണ്. ജയറാമിന്റെ സുവർണ്ണ കാലഘട്ടത്തിൽ ജയറാം, മഞ്ജു വാരിയർ എന്നവർ അഭിനയിച്ച ചിത്രത്തിൽ സുകന്യ ആയിരുന്നു നായികാ വേഷം ചെയ്തത്.

sukanya actress

തൊണ്ണൂറുകളിൽ നായിക വേഷങ്ങളിൽ തിളങ്ങി നിന്ന താരം പിന്നീട് ചെറിയ വേഷങ്ങൾ ചെയ്‌ത്‌ മലയാളത്തിൽ എത്തി എങ്കിൽ കൂടി പിടിച്ചു നിൽക്കാൻ കഴിഞ്ഞില്ല എന്നുള്ളതാണ് സത്യം. അഭിനയ ലോകത്തിൽ തിളങ്ങി എങ്കിൽ കൂടിയും വിവാഹ ജീവിതം പരാജയം ആയിരുന്നു. 2002 ൽ ആയിരുന്നു സോഫ്റ്റ് വെയർ എൻജിനീയർ ആയ ശ്രീധറിനെ സുകന്യ വിവാഹം കഴിക്കുന്നത്. വിവാഹ ശേഷം ഭർത്താവിനൊപ്പം അമേരിക്കയിലേക്ക് താരം ചേക്കേറുക ആയിരുന്നു.

എന്നാൽ ഇരുവരും തമ്മിലുള്ള വിവാഹ ജീവിത്തിന്റെ കാലയളവ് വെറും നാല് മാസങ്ങൾ മാത്രം ആയിരുന്നു. തുടർന്ന് ഇരുവരും പിരിഞ്ഞ് താമസിക്കുക ആയിരുന്നു. അഭിനയ ലോകത്തിലേക്ക് വീണ്ടും തിരിച്ചെത്താൻ സുകന്യ നടത്തിയ ശ്രമങ്ങൾ ആയിരുന്നു ഇരുവരും തമ്മിലുള്ള അകൽച്ചക്ക് കാരണം. തുടർന്ന് ചെന്നൈയിൽ എത്തിയ സുകന്യ വിവാഹ മോചനം നേടിയെടുക്കുക ആയിരുന്നു.