ഭാര്യയുടെ പിറന്നാളിന് സാന്ത്വനത്തിലെ ശിവൻ കൊടുത്ത സമ്മാനം കണ്ടോ; സജിന്റെ സർപ്രൈസ് ഗിഫ്റ്റ്..!!

വാനമ്പാടി എന്ന സൂപ്പർ ഹിറ്റ് സീരിയൽ അവസാനിച്ചതിന് പിന്നാലെ അതെ ടീം തുടങ്ങിയ പുതിയ സീരിയൽ ആയിരുന്നു 2020 സെപ്റ്റംബർ 21 ആരംഭിച്ച സാന്ത്വനം. സജിൻ ടിപി എന്ന പുതുമുഖം ആയിരുന്നു സീരിയലിൽ നായക വേഷത്തിൽ ശിവനായി എത്തിയത്. സജിനെ സുപരിചിതമല്ല എങ്കിൽ കൂടിയും സജിന്റെ ഭാര്യ ഷഫനയെ മലയാളികൾക്ക് നന്നായി അറിയാം.

രജപുത്ര വിഷ്വൽ മീഡിയയുടെ ബാനറിൽ രഞ്ജിത്തും ഭാര്യയും നടിയുമായ ചിപ്പിയും ചേർന്ന് ആണ് സീരിയൽ നിർമ്മിക്കുന്നത്. അതുപോലെ തന്നെ സാന്ത്വനത്തിൽ കേന്ദ്ര കഥാപാത്രം ആയി എത്തുന്നത് ഒരു കാലത്ത് മലയാളത്തിൽ ഒട്ടേറെ നല്ല മികച്ച വേഷങ്ങൾ ചെയ്തിട്ടുള്ള സൂപ്പർ താരങ്ങൾക്ക് ഒപ്പം അഭിനയിച്ചിട്ടുള്ള ചിപ്പി ആണ്. ശ്രീദേവി എന്ന കഥാപാത്രം ആയി ആണ് ചിപ്പി എത്തുന്നത്.

കുട്ടികൾ ഇല്ലാത്ത എന്നാൽ ഭർത്താവിന്റെ അനുജന്മാരെ സ്വന്തം മക്കൾ ആയി കാണുന്ന വേഷത്തിൽ ആണ് ചിപ്പി എത്തുന്നത്. ചിപ്പി കഴിഞ്ഞാൽ പരമ്പരയിൽ ഏറ്റവും പ്രാധാന്യം ഉള്ള വേഷം ചെയ്യുന്നത് സജിൻ ആണ്. മലയാളികൾക്ക് ഏറെ സുപരിചിതയായ ഷഫന എന്ന നടിയുടെ ഭർത്താവ് കൂടി ആണ് സജിൻ. നീണ്ട 10 വർഷത്തെ ഇടവേളക്ക് ശേഷം ആണ് സജിൻ വീണ്ടും അഭിനയ ലോകത്തിലേക്ക് എത്തുന്നത്.

ഷഫന നായികയായി എത്തിയ പ്ലസ് ടു എന്ന ചിത്രത്തിൽ കൂടി ആയിരുന്നു സജിൻ അഭിനയം തുടങ്ങുന്നത്. അന്ന് ഇരുവരും തമ്മിൽ ഉണ്ടായ സൗഹൃദം ആണ് വിവാഹത്തിൽ എത്തിയത്. തന്റെ എല്ലാ വിജയങ്ങൾ ക്കും പിന്തുണ ആയി ഉള്ളത് തന്റെ ഭാര്യ തന്നെ ആണെന്ന് സജിൻ പറയുന്നു. വിവാഹ ശേഷവും ഷഫന അഭിനയ ലോകത്തിൽ ഉണ്ടായിരുന്നു. അതേ സമയം ഇന്ന് ഷഫനയുടെ പിറന്നാൾ ആണ്.

തന്റെ പ്രിയതമക്ക് പിറന്നാൾ ആശംസ അറിയിച്ച് എത്തിയിരിക്കുകയാണ് സജിൻ ഇപ്പോൾ. പിറന്നാൾ ദിനത്തിൽ ഷഫനയ്ക്ക് കിടിലൻ സർപ്രൈസ് ഒരുക്കിയാണ് സജിൻ എത്തിയിരിക്കുന്നത്. ഇൻസ്റ്റഗ്രാമിലൂടെയാണ് ആഘോഷ ചിത്രങ്ങൾ താരം പങ്കുവെച്ചത്. സുഹൃത്തുക്കളും ആരാധകരുമടക്കം നിരവധി പേരാണ് ഷഫനയ്ക്ക് ആശംസ അറിയിച്ചെത്തിയിട്ടുള്ളത്.

ഭാര്യയെ ചുംബിക്കുന്ന ചിത്രമായിരുന്നു സജിൻ പോസ്റ്റ് ചെയ്തത്. ഐ ലവ് യൂ എന്നായിരുന്നു ഷഫ്‌ന കമന്റ് ചെയ്തത്. ലോക്ക് ഡൌൺ ആയതോടെ സീരിയൽ ഷൂട്ടിങ് നിർത്തി വെച്ചിരിക്കുകയാണ്. അതിൽ സജിൻ ഷഫനക്കൊപ്പം വീട്ടിൽ തന്നെ ആയിരുന്നു. ഷൂട്ടിംഗ് സമയത്തിൽ സജിനൊപ്പം പലപ്പോഴും ഉണ്ടാകാറുണ്ട് ഷഫന.