ഫിലിം ക്രിട്ടിക്സ് അവാർഡ്; പൃഥ്വിരാജ്, ബിജു മേനോൻ മികച്ച നടന്മാർ; മികച്ച നടിമാർ സംയുക്തയും സുരഭിയും..!!

2020 ലെ കേരള ഫിലിം ക്രിട്ടിക്സ് അവാർഡ് പ്രഖ്യാപിച്ചു. ജിയോ ബേബി സംവിധാനം ചെയ്തു കഴിഞ്ഞ വര്ഷം ഏറ്റവും കൂടുതൽ നിരൂപണ ശ്രദ്ധ നേടിയ ദി ഗ്രേറ്റ് ഇന്ത്യൻ കിച്ചൺ ആണ് കഴിഞ്ഞ വർഷത്തെ ഏറ്റവും മികച്ച ചിത്രം.

45 ആമത് ഫിലിം ക്രിട്ടിക്സ് അവാർഡ് ആണ് ഈ സിനിമ നേടിയത്. മികച്ച സംവിധായകൻ ആയി ഗ്രേറ്റ് ഇന്ത്യൻ കിച്ചൻ സംവിധായകൻ ജിയോ ബേബിയും എന്നിവർ എന്ന ചിത്രത്തിൽ കൂടി സിദ്ധാർഥ് ശിവയും കരസ്ഥമാക്കി.

അയ്യപ്പനും കോശിയും എന്ന ചിത്രത്തിൽ കൂടി ബിജു മേനോൻ , പൃഥ്വിരാജ് സുകുമാരൻ എന്നിവർ ആണ് മികച്ച നടന്മാർ. ജ്വാലാമുഖി എന്ന ചിത്രത്തിലെ അഭിനയത്തിൽ കൂടി സുരഭി ലക്ഷ്മിയും ആണും പെണ്ണും വൂൾഫ് , വെള്ളം എന്നി ചിത്രത്തിലെ അഭിനയത്തിൽ കൂടി സംയുക്ത മേനോനും മികച്ച നടിക്കുള്ള അവാർഡ് നേടി.

34 ചിത്രങ്ങളിൽ നിന്നുമാണ് ഈ ചിത്രങ്ങൾ തിരഞ്ഞെടുത്തത്. കേരള സംസ്ഥാന അവാർഡ് കഴിഞ്ഞാൽ അപേക്ഷ ക്ഷണിച്ചു ചിത്രങ്ങൾ വരുത്തി ജൂറി കണ്ട ശേഷം അവാർഡ് നിർണ്ണയിക്കുന്ന ഒരേയൊരു ചലച്ചിത്ര അവാർഡ് കൂടിയാണ് ഇത്.