താരസംഘടന അമ്മയുടെ ഔദ്യോഗിക വക്താവ് ഇനി മോഹൻലാൽ; തീരുമാനങ്ങൾ ഇങ്ങനെ..!!

35

ഡബ്ള്യു സി സി അംഗങ്ങൾ കൂടുതൽ നിദ്ദേശങ്ങൾ ഉന്നയിച്ചതോടെ താര സംഘടനയായ അമ്മ ഭരണഘടന ഭേദഗതിയിൽ വരുത്തുന്ന മാറ്റങ്ങൾ തൽക്കാലത്തേക്ക് മാറ്റിവെച്ചു.

കൂടുതൽ വിശദമായ രീതിയിൽ ചർച്ചകൾ നടത്തിയ ശേഷമേ ഇനി ഭേദഗതികൾ വരുത്തൂ എന്നും അമ്മയുടെ പ്രസിഡന്റ് ആയ മോഹൻലാൽ അറിയിച്ചു.

അതേ സമയം, സംഘടനയിൽ നിന്നും രാജി വെച്ചവർ സ്വമേധയാ രാജി വെച്ചത് ആണെന്നും അത്തരത്തിൽ പുറത്ത് പോയവർക്ക് മറ്റുള്ളവരെപോലെ തിരിച്ച് വരാം, അവർ ഇതുവരെയും അപേക്ഷ നൽകിയില്ല എന്നും മോഹൻലാൽ അറിയിച്ചു.

ജഗദീഷ്, സിദ്ദിഖ് എന്നിവർ ഔദ്യോഗിക വക്താക്കൾ ആയിരിക്കെ പാകപ്പിഴ ഉണ്ടായത് മൂലം ഇനി മുതൽ പ്രസിഡന്റ് കൂടിയായ മോഹൻലാൽ തന്നെ ആയിരിക്കും ഔദ്യോഗിക വക്താവ്.