ഉക്രൈനിലും ഒടിയൻ റിലീസ് ചെയ്യുന്നു; മലയാള സിനിമ പുതിയ ഉയരങ്ങളിലേക്ക്…!!

എങ്ങും എവിടെയും കേൾക്കുന്ന ഒറ്റ നാമമേ ഉള്ളൂ, ഒടിയൻ. വരകളിൽ ഒടിയൻ, വരികളിൽ ഒടിയൻ, പ്രതിമയിൽ ഒടിയൻ, മെഴുകിലും തൂണിലും തുരുമ്പിലും വരെ ഒടിയന്റെ പ്രൊമോഷൻ ആണ്. പ്രൊമോഷന്റെ അതിർവരമ്പുകൾ കീഴടക്കി മലയാള സിനിമയിലെ ലോക സിനിമക്ക് മുന്നിൽ പരിചിത മുഖമാക്കാൻ തന്നെയാണ് ഒടിയൻ എത്തുന്നത്.

കേരളത്തിൽ കൂടതെ, തെലുങ്കിലും തമിഴിലും റിലീസ്, ഇന്ത്യ എങ്ങും ഒടിയൻ മാണിക്യൻ എത്തും, കൂടെ അറേബ്യൻ രാജ്യങ്ങളും, ന്യൂസിലാൻഡ്, പോളണ്ട്, ജപ്പാൻ തുടങ്ങി എല്ലായിടത്തും ഒടിയൻ തന്നെയാണ് താരം. ഇപ്പോഴിതാ ഉക്രൈനിൽ റിലീസ് ചെയ്യുകയാണ് ഒടിയൻ.

രജനികാന്ത് ചിത്രങ്ങൾക്ക് ഏറെ ഫാൻസ് ഉള്ള ജപ്പാനിൽ, അഞ്ച് ആക്ഷൻ സീനുകളും തട്ട് പോളിപ്പൻ ഡയലോഗുകളുമായി ഒടിയൻ എത്തുമ്പോൾ, ജപ്പാനിൽ വലിയ ആരാധക കൂട്ടം മോഹൻലാലിന് പിറക്കും എന്നത് തന്നെയാണ് മറ്റൊരു വലിയ വിശ്വാസം.