ഒടിയന്റെ തെലുങ്ക് ഫസ്റ്റ് ലുക്ക് പോസ്റ്റർ എത്തി; ഡിസംബർ 14ന് തന്നെ തെലുങ്കിലും..!!

ഒടിയൻ വാർത്തകൾ കൊണ്ട് നിറയുകയാണ് സോഷ്യൽ മീഡിയ മുഴുവൻ. മോഹൻലാൽ നായകനായി ശ്രീകുമാർ മേനോൻ അണിയിച്ചൊരുക്കുന്ന ഒടിയൻ തെലുങ്കിലും റിലീസ് ചെയ്യും ഡിസംബർ 14ന്.

ജനതാ ഗാരാജ് എന്ന ഒറ്റ ചിത്രം കൊണ്ട് മോഹൻലാൽ എന്ന നടന്റെ റേഞ്ച് മനസിലാക്കിയവർ ആണ് തെലുങ്ക് നാട്ടിൽ ഉള്ളവർ. ആ ഒറ്റ ചിത്രം കൊണ്ട് മോഹൻലാലിന്റെ ആന്ധ്രയിലെ വിപണി മൂല്യവും കൂടി.

ജനതാ ഗേരേജിന് ശേഷം തെലുങ്കിൽ മൊഴിമാറിയെത്തിയ പുലിമുരുകൻ, മായമ്പുലി എന്ന പേരിൽ ആണ് തെലുങ്കിൽ റിലീസ് ചെയ്തത് ആദ്യ ദിനം 5 കോടിക്ക് മുകളിൽ ആണ് ചിത്രം ആന്ധ്രയിൽ നിന്നും നേടിയത്.

ദഗ്ഗുബഡി ക്രീയേഷന്റെ ബാനറിൽ ആണ് ചിത്രം തെലുങ്കിൽ മൊഴിമാറി എത്തുന്നത്. ഫസ്റ്റ് ലുക്ക് പോസ്റ്റർ കാണാം..

ആശിർവാദ് സിനിമാസിന്റെ ബാനറിൽ ആന്റണി പെരുമ്പാവൂർ നിർമ്മിക്കുന്ന ചിത്രം കേരളത്തിൽ റിലീസിന് എത്തിക്കുന്നത് മാക്‌സ് ക്രീയേഷൻസ് ആണ്. മഞ്ജു വാര്യർ ആണ് മോഹൻലാലിന്റെ നായികയായി എത്തുന്നത്. പ്രകാശ് രാജ്, നരേൻ, സിദ്ദിഖ്, ഇന്നസെന്റ് എന്നിവരും ചിത്രത്തിൽ പ്രധാന വേഷത്തിൽ എത്തുന്നു.

പുലിമുരുകന് ശേഷം പീറ്റർ ഹെയ്ൻ – മോഹൻലാൽ ടീം ഒന്നിക്കുന്ന ആക്ഷൻ രംഗങ്ങൾ ചിത്രത്തിന്റെ ഹൈ ലൈറ്റ് ആണ്.