മുഖം മിനുക്കാൻ മോദിയുടെ ജീവിത കഥ സിനിമയാകുന്നു; നായകൻ വിവേക് ഒബ്രോയ്‌..!!

26

മോഡി പ്രഭക്ക് ക്ഷതമേറ്റ വർഷം കൂടിയായിരുന്നു 2018, നോട്ട് നിരോധനം മുതൽ തുടങ്ങിയ മോഡി സർക്കാരിന്റെ ശനിദശ വിടാതെ പിന്തുടരുമ്പോൾ മോദിയുടെ ജീവിത കഥ സിനിമയാക്കി ഇറക്കാൻ ഒരുങ്ങുകയാണ്, 2019 ഇലക്ഷന് മുന്നേ ചിത്രം തീയറ്ററുകളിൽ എത്തിക്കാൻ ആണ് അണിയറ പ്രവർത്തകർ പ്ലാൻ ചെയ്യുന്നത്.

ചിത്രത്തിൽ മോദിയായ എത്തുന്നത് വിവേക് ഒബ്രോയ്‌ ആണ്. നേരത്തെ ഉള്ള റിപ്പോർട്ട് പ്രകാരം പരേഷ് രവേൽ ആയിരുന്നു മോദിയായി എത്താൻ ഇരുന്നത്. എന്നാൽ പിന്നീട് വിവേക് ഒബ്രോയ്‌ ആകുകയായിരുന്നു.

മേരികോം, സരബ്ജിത് തുടങ്ങിയ സിനിമകളുടെ സംവിധായകനാണ് ഒമുങ് കുമാര്‍. പി എം നരേന്ദ്ര മോഡി എന്ന പേരിലാണ് ചിത്രമെത്തുക എന്നാണ് അറിയുന്നത്, സന്ദീപ് സിംഗാണ് നിര്‍മ്മാതാവ് ആകുന്ന ചിത്രത്തിന്റെ ഫസ്റ്റ് ലുക്ക് വരുന്ന തിങ്കളാഴ്ച ജനുവരി 7ന് ആണ് എത്തുന്നത്.

മോദിയുടെ ജീവിത കഥ സിനിമയായി എത്തുന്നതോടെ ജീവിതത്തിൽ വന്ന താഴ്ചയും ഉയർച്ചയും വളർച്ചയും ഇലക്ഷനിൽ സ്വാധീനിക്കാൻ കഴിയും എന്നാണ് മോദിയുടെ കണക്ക് കൂട്ടൽ എന്ന ആക്ഷേപവും ഉയരുന്നുണ്ട്.