ആറാട്ടിന് മുന്നേ മരക്കാർ എത്തും; ഓണത്തിന് തീയറ്ററുകളിൽ മോഹൻലാൽ ചിത്രം മാത്രം..!!
സിനിമ പ്രേക്ഷകർക്ക് സന്തോഷിക്കാൻ ഇതാ മറ്റൊരു വാർത്ത കൂടി. ദേശിയ പുരസ്കാരങ്ങൾ നേടിയ മോഹൻലാൽ ചിത്രം മരക്കാർ അറബിക്കടലിന്റെ സിംഹം ഓണം റിലീസ് ആയി തീയറ്ററുകളിൽ എത്തുമെന്ന് മോഹൻലാൽ. ഓഗസ്റ്റ് 12 നു പ്രിയദർശൻ സംവിധാനം ചെയ്ത ചിത്രം റീലീസ് ചെയ്യുന്നത്.
സ്നേഹത്തോടെ നിറഞ്ഞ മനസ്സോടെ പ്രതീക്ഷിക്കുകയാണ് ഈ വരുന്ന ഓഗസ്റ്റ് 12 ന് ഓണം റിലീസ് ആയി ‘മരക്കാർ അറബിക്കടലിന്റെ സിംഹം, നിങ്ങളുടെ മുന്നിലെത്തിക്കാൻ ഞങ്ങൾക്ക് കഴിയുമെന്ന്.. അതിനു നിങ്ങളുടെ പ്രാർഥനയും പിന്തുണയും ഉണ്ടാകുമെന്ന വിശ്വാസത്തോടെ ഞങ്ങൾ മുന്നോട്ട് നീങ്ങുന്നു.. ഇങ്ങനെ ആണ് മോഹൻലാൽ തന്റെ ഒഫീഷ്യൽ ഫേസ്ബുക്ക് പേജിൽ കുറിച്ചത്.
പ്രിയദർശൻ സംവിധാനം നിർവഹിക്കുന്ന ഈ ചിത്രം ആശിർവാദ് സിനിമാസ് മൂൺഷൂട്ട് എൻറ്റർടൈൻമെൻഡ് കോൺഫിഡൻഡ് ഗ്രൂപ്പ് എന്നീ ബാനറുകളിൽ ആന്റണി പെരുമ്പാവൂർ സന്തോഷ് ടി കുരുവിള റോയ് .സി.ജെ എന്നിവർ ചേർന്നാണ് നിർമ്മിക്കുന്നത്. മോഹൻലാൽ മഞ്ജു വാര്യർ കീർത്തി സുരേഷ് സുനിൽ ഷെട്ടി അർജ്ജുൻ സർജ പ്രഭു മുകേഷ് സിദ്ദിഖ് കല്യാണി പ്രിയദർശൻ പ്രണവ് മോഹൻലാൽ തുടങ്ങിയ വൻ താരനിര ഈ ചിത്രത്തിനുവേണ്ടി അണിനിരന്നു.
നേരത്തെ ചിത്രം ലോകവ്യാപകമായി 5000 സ്‌ക്രീനുകളിൽ റിലീസ് ചെയ്യാൻ ആയിരുന്നു പ്ലാൻ ചെയ്തിരുന്നത്. മലയാളസിനിമയിലെ ഏറ്റവും ചെലവേറിയ ഈ ചിത്രത്തിന്റെ ബജറ്റ് 100 കോടി രൂപയാണ്. കഴിഞ്ഞ വർഷം മുതൽ റിലീസിന് ശ്രമിക്കുന്നതാണ് ചിത്രം. 2020 മാർച്ച് 26 നായിരുന്നു ചിത്രം തിയേറ്ററുകളിൽ എത്തിക്കുവാൻ അണിയറ പ്രവർത്തകർ തീരുമാനിച്ചത്.
എന്നാൽ കൊറോണ വ്യാപനം ആയതോടെ റിലീസ് മാറ്റുകയായിരുന്നു. ഇപ്പോൾ വരുന്ന റിപ്പോർട്ട് അനുസരിച്ചു ഓണം റീലീസ് ആയി ഓഗസ്റ്റ് 12 നു എത്തുന്ന മോഹൻലാൽ ചിത്രത്തിന് ഒപ്പം മറ്റു സിനിമകൾ ഒന്നും തന്നെ റിലീസ് ചെയ്യില്ല. കൂടാതെ മൂന്നാഴ്ച എങ്കിലും മരക്കാർ പ്രദർശനം നടത്തിയതിന് ശേഷമേ മറ്റു സിനിമകൾ റിലീസ് ചെയ്യുകയുള്ളൂ എന്നും അറിയുന്നു.
ബ്രഹ്മാണ്ഡ സിനിമ ആയതുകൊണ്ട് തന്നെ നിർമാതാക്കളുടെയും സിനിമ തീയറ്റർ ഉണ്ടമകളുടെയും സംഘടനകളുമായി നടത്തിയ ചർച്ച വിജയം നേടിയതോടെ റിലീസ് തീയതിക്ക് ഔദ്യോഗിക പ്രഖ്യാപനം ഉണ്ടായത് എന്ന് അറിയുന്നു.