രണ്ടാമൂഴം കോടതിയിൽ എത്താൻ കാരണം ശ്രീകുമാർ മേനോൻ; എംടി..!!
ഇന്ത്യൻ സിനിമ ലോക സിനിമയിൽ അഭിമാനമാകാൻ എത്തുന്ന മലയാള സിനിമ ആയിരുന്നു 1000 കോടി ബഡ്ജറ്റിൽ രണ്ട് ഭാഗങ്ങളായി ഒരുങ്ങുന്ന രണ്ടാമൂഴം. ബി ആർഷെട്ടി നിർമ്മിക്കുന്ന ചിത്രത്തിൽ മോഹൻലാൽ ആയിരുന്നു ഭീമന്റെ വേഷം ചെയ്യാൻ ഇരുന്നത്. ഒടിയൻ സംവിധായകൻ ശ്രീകുമാർ മേനോൻ ആയിരുന്നു സംവിധാനം.
സിനിമ പൂർത്തിയാക്കുന്നതിന് തിരക്കഥാകൃത്തായ എം ടി വാസുദേവൻ നായർ നൽകിയ കാലാവധി കഴിഞ്ഞു എന്നും സിനിമയുടെ ചിത്രീകരണം നിർത്തി വെക്കണം എന്ന് ആവശ്യപ്പെട്ടും എംടി കോടതിയിൽ നിന്നും അനുമതി വാങ്ങിയിരുന്നു.
സംവിധായകൻ ശ്രീകുമാർ മേനോനിൽ ഉണ്ടായിരുന്ന വിശ്വാസം നഷ്ടപ്പെട്ടുവെന്നും അതിനാൽ ഇനി അയാളുമായി സഹകരിക്കില്ലെന്നുമാണ് തിരക്കഥയെഴുതിയ എം ടി വാസുദേവൻ നായർ ഇപ്പോൾ എടുത്തിരിക്കുന്ന തീരുമാനം.
കരാറുപ്രകാരമുള്ള സമയം കഴിഞ്ഞപ്പോള്‍ വക്കീല്‍ നോട്ടീസ് അയച്ചുവെങ്കിലും ശ്രീകുമാര്‍ മേനോന്‍ മറുപടി നല്‍കാന്‍ തയാറാകാത്തതിനെ തുടര്‍ന്നാണ് കേസിനു പോയത്. രണ്ടാമൂഴം സിനിമയാക്കുകയെന്നതാണ് എം ടിയുടെ ജീവിതാഭിലാഷമാണ്. അതിനുള്ള ശ്രമങ്ങള്‍ തുടരുമെന്നും ശിവ രാമകൃഷ്ണന്‍ വ്യക്തമാക്കി.
മനോരമ ഓണ്ലൈന് നൽകിയ അഭിമുഖത്തിൽ ആണ് അഭിഭാഷകൻ ഇക്കാര്യങ്ങൾ വ്യക്തമാക്കിയത്