ബോക്സ്ഓഫീസിൽ എതിരാളികൾ ഇല്ലാതെ വിജയ് തേരോട്ടം; ബിഗിൽ 200 കോടി ക്ലബ്ബിലേക്ക്..!!

84

വിജയ് – അറ്റ്ലി ടീം വീണ്ടും ഒന്നിച്ചപ്പോൾ ബോക്സ്ഓഫീസിൽ റെക്കോർഡ്. ദീപാവലി റിലീസ് ആയി ലോകമെമ്പാടും ബിഗിൽ റിലീസ് ചെയ്തത് ഒക്ടോബർ 25 നു ആയിരുന്നു.

ആദ്യ മൂന്ന് ദിനം കൊണ്ട് തമിഴ്‌നാട്ടിൽ നിന്നും മാത്രമായി ബിഗിൽ നേടിയത് 66 കോടി രൂപയുടെ കളക്ഷൻ റെക്കോർഡ് ആണ്. ഇതുവരെ മറ്റൊരു ചിത്രത്തിനും തമിഴ്നാട്ടിൽ ലഭിക്കാത്ത മുന്നേറ്റം തന്നെയാണ് ബിഗിൽ നടത്തിയത്.

ആദ്യ 4 ദിവസം കൊണ്ട് 175 കോടി നേടിയ ചിത്രം ആദ്യ വാരം തന്നെ 200 കോടി എന്ന മാന്ത്രിക നേട്ടം കൈവരിക്കും. ഫ്രാൻസിൽ പുത്തൻ ചരിത്രം എഴുതിയ ബിഗിൽ ഈ വർഷം ഏറ്റവും കൂടുതൽ ആളുകൾ ഫ്രാൻസിൽ കണ്ട തമിഴ് ചിത്രം കൂടിയാണ്.

അതിനൊപ്പം തന്നെ വീക്കെന്റിൽ ഏറ്റവും കൂടുതൽ ഓവർസീസ് കളക്ഷൻ നേടിയ ഈ വർഷത്തെ രണ്ടാം ചിത്രം എന്ന റെക്കോർഡ് കൂടി കരസ്ഥമാക്കി കഴിഞ്ഞു. കേരളത്തിൽ വൈഡ് റിലീസ് ആയി എത്തിയില്ല എങ്കിൽ കൂടിയും വമ്പൻ തിരക്കാണ് ചിത്രത്തിന് തീയറ്ററുകളിൽ അനുഭവപ്പെടുന്നത്.

സ്ത്രീപക്ഷ കഥ പറയുന്ന ചിത്രം കുടുംബ പ്രേക്ഷകർ കൂടി ഏറ്റെടുത്തതോടെയാണ് വമ്പൻ മുന്നേറ്റം നടത്തുന്നത്.

You might also like