മരക്കാർ ടീസർ അടക്കം മോഹൻലാൽ ചിത്രങ്ങളുടെ വമ്പൻ പ്രഖ്യാപനങ്ങൾ നാളെ 6 മണിക്ക് കൊച്ചിയിൽ..!!
മലയാള സിനിമയുടെ അഭിമാനതാരം മോഹൻലാൽ നായകനായി വമ്പൻ ചിത്രങ്ങൾ ആണ് അണിയറയിൽ ഒരുങ്ങുന്നത്. ഈ ചിത്രങ്ങളുടെ വമ്പൻ പ്രഖ്യാപനങ്ങളും വിജയാഘോഷങ്ങളും അടക്കം ആഘോഷകരമായി ചടങ്ങു നാളെ കൊച്ചി ഗോകുലം പാർക്കിൽ നടക്കും.
മോഹൻലാൽ ആദ്യമായി സംവിധാനം ചെയ്യുന്ന ചിത്രം ബാരോസിന്റെ നായിക അടക്കമുള്ള വിവരങ്ങൾ നാളെ നടക്കുന്ന ചടങ്ങിൽ ആയിരിക്കും പ്രഖ്യാപിക്കുക. അതോടൊപ്പം ചിത്രത്തിൽ അണിയറയിൽ പ്രവർത്തിക്കുന്നവരുടെ വിവരങ്ങൾ നടക്കുന്ന ബാരോസിന്റെ ടീസർ ഉണ്ടാവും.
ആശിർവാദ് സിനിമാസ് നിർമ്മിക്കുന്ന ബോറോസിൽ നായകൻ മോഹൻലാൽ തന്നെയാണ്. ഇതോടൊപ്പം ലൂസിഫർ ചിത്രത്തിന്റെ 100 ദിനത്തിന്റെ ആഘോഷം, അതിനൊപ്പം ഓണം ചിത്രം ഇട്ടിമാണി മെയിഡ് ഇൻ ചൈനയുടെ വിജയാഘോഷവും അതിനൊപ്പം തന്നെ പൃഥ്വിരാജ് സുകുമാരൻ ഒരുക്കുന്ന ലൂസിഫറിന്റെ രണ്ടാം ഭാഗമായ ഏമ്പുരാന്റെ പൊതു വേദിയിൽ ഉള്ള പ്രഖ്യാപനവും ഉണ്ടാവും.
എന്നാൽ ഇതിനെല്ലാം പുറമെ മോഹൻലാലിനെ നായകനാക്കി പ്രിയദർശൻ ഒരുക്കുന്ന മരക്കാർ അറബിക്കടലിന്റെ സിംഹം എന്ന ചിത്രത്തിന്റെ ടീസർ ലോഞ്ച് ഉണ്ടാവും എന്നുള്ള സൂചനയും നൽകുന്നു. നാളെ ആറ് മണിക്കാണ് കൊച്ചിയിൽ വെച്ച് വമ്പൻ താരങ്ങൾക്ക് ഒപ്പം ആയിരിക്കും പ്രാഖ്യാപനങ്ങൾ.