കുട്ടിക്കാലം മുതൽ ഒന്നിച്ച് പ്രവർത്തിച്ചു, ഇനി ജീവിതത്തിലും ഒന്നിച്ച്; കേരളത്തിലെ പ്രായം കുറഞ്ഞ എംഎൽഎയും മേയറും വിവാഹം കഴിക്കുന്നു..!!

154

കേരളം നിയമസഭയിലെ ഏറ്റവും പ്രായം കുറഞ്ഞ എം എൽ എ സച്ചിൻ ദേവും കേരളത്തിലെ ഏറ്റവും പ്രായം കുറഞ്ഞ മേയർ ആര്യ രാജേന്ദ്രനും വിവാഹം കഴിയുന്നു. തിരുവനന്തപുരം മേയർ ആണ് ആര്യ.

തങ്ങൾ ഇരുവരും സംസാരിച്ച ശേഷം ആയിരുന്നു വീട്ടിലും പാർട്ടിയിലും അറിയിച്ചത് എന്നാണ് വിവാഹത്തെ കുറിച്ച് ആര്യ പറഞ്ഞത്. കുടുംബങ്ങൾ തമ്മിൽ ചർച്ച നടത്തി എങ്കിൽ കൂടിയും പാർട്ടികൂടി മുൻ കൈ എടുത്തു ചെയ്യേണ്ട കാര്യവുമാണ് തന്റെ വിവാഹം.

കുടുംബത്തിനും പാർട്ടിക്കും താൻ നൽകുന്നത് ഒരുപോലെയുള്ള പ്രാധാന്യമാണ്. ഒരേ രാഷ്ട്രീയം ഉള്ളതുകൊണ്ട് ആണ് തങ്ങൾക്ക് പരസ്പരം മനസിലാക്കാൻ കഴിഞ്ഞത്. എന്നാൽ ഉടൻ തന്നെ വിവാഹം ഉണ്ടാവില്ല എന്നും ആര്യ പറയുന്നു.

അതെ സമയം ഇരുകുടുംബങ്ങളും തമ്മിൽ ധാരണയായി എന്ന് എം എൽ എ സച്ചിൻ ദേവിന്റെ പിതാവ് കെ നന്ദകുമാർ അറിയിച്ചു. ബാല സംഘത്തിൽ ഒന്നിച്ചു പ്രവർത്തിച്ചതു മുതലുള്ള സംഘടനാ പരിചയമാണ് വിവാഹത്തിലെത്തുന്നത്.

വിവാഹ തീയതി ഉൾപ്പെടെയുള്ള കാര്യങ്ങൾ തീരുമാനിച്ചിട്ടില്ലെന്ന് സച്ചിൻദേവ് പ്രതികരിച്ചു. നിയമസഭയിലെ പ്രായം കുറഞ്ഞ എംഎൽഎയായ സച്ചിനും രാജ്യത്തെ പ്രായം കുറഞ്ഞ മേയറായ ആര്യയും തമ്മിലുള്ള വിവാഹ വാർത്ത പുറത്തുവന്നതിനു ശേഷമാണ് ആര്യയുടെ പ്രതികരണം.