ശബരിമല വിഷയത്തിൽ വിവാദ പ്രസംഗം; കൊല്ലം തുളസി പൊലീസിന് മുന്നിൽ കീഴടങ്ങി..!!
ശബരിമല സ്ത്രീ പ്രവേശന വിഷയത്തിൽ നടനും ബിജെപി നേതാവുമായ കൊല്ലം തുളസി നടത്തിയ പ്രസംഗത്തിൽ സ്ത്രീകൾക്ക് എതിരെ നടത്തിയ വിവാദ പരാമർശം മൂലം ജാമ്യമില്ലാ വകുപ്പ് പ്രകാരം കേസ് എടുത്ത കൊല്ലം തുളസി അവസാനം ചവറ പോലീസ് സ്റ്റേഷനിൽ കീഴടങ്ങി.
ഡി വൈ എഫ് ഐ അടക്കുള്ള സംഘടന നൽകിയ സമ്മർദ്ദത്തെ തുടർന്ന് തുളസിയെ അറസ്റ്റ് ചെയ്യുന്ന വിഷയത്തിൽ സർക്കാർ ഊർജിത നടപടി എടുക്കാൻ തീരുമാനം ആയത്. തുടർന്നാണ് അറസ്റ് ഒഴിവാക്കാൻ കൊല്ലം തുളസി പൊലീസിന് മുന്നിൽ കീഴടങ്ങിയത്.
പ്രസംഗത്തിന് ഇടയിൽ ആവേശത്തിന്റെ കൊടുമുടിയിൽ എത്തിയ തുളസി, ശബരിമലയിൽ ദർശനത്തിന് എത്തുന്ന യുവതികളെ രണ്ടായി വലിച്ചു കീറി ഒരു ഭാഗം ഡൽഹിയിലും മറു ഭാഗം മുഖ്യമന്ത്രി പിണറായി വിജയന്റെ വീട് പടിക്കലും ഇടണം എന്നാണ് പ്രസംഗത്തിൽ പരാമർശിച്ചത്.
തുടർന്ന് ജാമ്യം ഇല്ല വകുപ്പ് പ്രകാരം കേസ് എടുത്തു എങ്കിലും കോടതിയെ കഴിഞ്ഞ ഡിസംബർ 15ന് സമീപിച്ച കൊല്ലം തുളസിയുടെ മുൻകൂർ ജാമ്യം കോടതി തള്ളുകയായിരുന്നു.