കുമ്മനം രാജശേഖരന് ഡോക്ടറേറ്റ്..!!

പ്രമുഖ ബിജെപി നേതാവും മിസോറാം ഗർവർണരുമായ കുമ്മനം രാജശേഖരൻ. ഇനി മുതൽ ഡോക്ടർ കുമ്മനം രാജശേഖരൻ ആയിരിക്കും. മലയാളികളിൽ ഒട്ടറെ ട്രോളുകൾ ഏറ്റവാങ്ങിയിട്ടുള്ള കുമ്മനത്തിന് രാജസ്ഥാനിലെ ശ്രീ ജഗദീഷ് പ്രസാദ് ജബർമൽ തിബ്രേവാല സർവ്വകലാശാലയാണ് ഡിലിറ്റ് ബിരുദം നൽകി ആദരിക്കുന്നത്. സാമൂഹിക,​ സാംസ‌്കാരിക,​ ആധ്യാത്മിക രംഗങ്ങളിൽ നൽകിയ സംഭാവനകൾ കണക്കിലെടുത്താണ് കുമ്മനത്തിന് ഡിലിറ്റ് ബിരുദം നൽകാൻ തീരുമാനിച്ചതെന്ന് സർവ്വകലാശാലയുടെ മേൽനോട്ടമുള്ള രാജസ്ഥാനി സേവാ സംഘിന്റെ ചെയർപേഴ്സൺ ഡോ. വിനോദ് തിബ്രേവാല വ്യക്തമാക്കി. അടുത്ത വർഷം ഫെബ്രുവരിയിൽ സർവ്വകലാശാല കാമ്പസിൽ വച്ച് നടക്കുന്ന ചടങ്ങിൽ കുമ്മനം രാജശേഖരന് ഡിലിറ്റ് ബിരുദം നൽകും. ഗവർണർ വസതിയിൽ നിന്നുള്ള ഔദ്യോഗിക വാർത്ത കുറിപ്പിൽ ആണ് ഈ വിവരം അറിയിച്ചത്.