ഇടുക്കിയിൽ സഹോദരിയുടെ വിവാഹത്തിന് വാങ്ങിയ സ്വർണം 17 വയസുള്ള അനുജനും കൂട്ടുകാരും ചേർന്ന് മോഷ്ടിച്ചു വിറ്റു; തുടർന്ന് സംഭവിച്ചത്..!!

ഇടുക്കി നെടുങ്കണ്ടത്ത് സഹോദരിയുടെ വിവാഹം നടത്താൻ വെച്ചിരുന്ന 23 പവൻ സ്വർണം മോഷ്ടിച്ച 17 വയസുള്ള സഹോദരനും കൂട്ടുകാരും പിടിയിൽ. സ്വർണം സ്വന്തം വീട്ടിൽ നിന്നും മോഷ്ടിക്കുക മാത്രം ആയിരുന്നില്ല മറിച്ച് അതെ സ്വർണത്തിന് പകരം മുക്കുപണ്ടം വെക്കുകയും ചെയ്തു. 17 വയസുള്ള സഹോദരൻ മാത്രമല്ല കൂട്ടാളികൾ ആയ മൂന്നുപേരും പിടിയിൽ ആയത്. ഇടുക്കി നെടുങ്കണ്ടം ബാലഗ്രാം സ്വദേശിയുടെ വീട്ടിൽ നിന്നും ആണ് 23 പവൻ സ്വർണം മോഷണം പോയത്.

എന്നാൽ ഇക്കാര്യം വീട്ടിൽ അറിയാതെ ഇരിക്കാൻ വീട്ടിൽ പകരം മുക്കുപണ്ടം വെക്കുക ആയിരുന്നു. തുടർന്ന് പിതാവ് പണത്തിന് വേണ്ടി സ്വർണം പണയം വെക്കാൻ ചെന്നപ്പോൾ ആണ് സ്വർണ്ണം മുക്കുപണ്ടം ആണെന്ന് അറിയുന്നത്. തുടർന്ന് പോലീസ് നടത്തിയ അന്വേഷണത്തിൽ ആണ് 17 വയസ്സുള്ള മകനും സംഘവും കുടുങ്ങിയത്. അമ്മയുടെ ചികിത്സക്കായി അച്ഛനും സഹോദരിയും കോട്ടയത്ത് പോയസമയത്താണ് സഹോദരൻ മോഷണം നടത്തുന്നത്.

സ്വർണ്ണം ആദ്യം പണയം വെക്കുകയും പിന്നീട് കേസിലെ മറ്റൊരു പ്രതിയായ ജാഫറിന് 820000 മറിച്ച് വിൽക്കുകയായിരുന്നു. സംഭവമറിഞ്ഞ് പോലീസ് നടത്തിയ അന്വേഷണത്തിൽ 820000 രൂപക്ക് സ്വർണം മറിച്ചു വിറ്റത് കണ്ടെത്തുകയും ചെയ്തിട്ടുണ്ട്. മൊബൈൽ ഫോൺ വാങ്ങി മറിച്ചു വിൽക്കുന്നതിന് പണം കണ്ടെത്തുന്നതിനു വേണ്ടിയായിരുന്നു മോഷണം നടത്തിയതെന്ന് ഇവർ പറയുന്നു. മകന്റെ മൊഴിയിൽ ഉള്ള വൈരുദ്ധ്യം ആണ് യുവാവിനെയും സംഘത്തെയും കുടുക്കിയത്.