കുപ്പിയുടെ വിവാഹ നിശ്ചയം കഴിഞ്ഞു; ഭാവിവധു ഇതാണ്; ആഘോഷമാക്കി ആനന്ദം താരങ്ങൾ..!!
മലയാളത്തിൽ വലിയ വിജയം നേടിയ കോളേജ് ചിത്രത്തിൽ ആനന്ദത്തിൽ കൂടി ഒരുപിടി താരങ്ങൾ ആണ് മലയാള സിനിമക്ക് ലഭിച്ചത്. ഇപ്പോൾ മലയാളത്തിൽ ഏറ്റവും കൂടുതൽ മികച്ച ചിത്രങ്ങളുടെ ഭാഗമാകുന്ന റോഷൻ മാത്യു ശ്രദ്ധ നേടിയത് ആനന്ദത്തിൽ കൂടി ആയിരുന്നു.
ഒപ്പം അനാർക്കലി മരിക്കാർ എന്ന നായികയെയും മലയാള സിനിമക്ക് ലഭിച്ചു. എന്നാൽ ഇവരിൽ നിന്നും ഏറെ വ്യത്യാസമായി കോമഡി വേഷങ്ങൾ അടക്കം ചെയ്യാൻ കെൽപ്പുള്ള യുവതാരം ആയിരുന്നു ആദ്യ ചിത്രത്തിൽ കുപ്പി എന്ന വേഷത്തിൽ എത്തിയ വൈശാഖ് നായർ.
തുടർന്ന് മമ്മൂട്ടി നായകനായി എത്തിയ പുത്തൻ പണത്തിലും അതുപോലെ ചെറുതും വലുതുമായ കുറച്ചു ചിത്രങ്ങളുടെ ഭാഗമായി മാറാൻ വൈശാഖിന് കഴിഞ്ഞു. കിളി എന്ന സീരിസിൽ ടൈറ്റിൽ റോളിലും താരം എത്തിയിരുന്നു. കൊച്ചി സ്വദേശിയായ താരത്തിന്റെ വിവാഹ നിശ്ചയം ഇന്നലെ കഴിഞ്ഞിരിക്കുകയാണ്.
ദർശന രാജേന്ദ്രൻ , അനാർക്കലി മരിക്കകാർ , അരുൺ കുരിയൻ തുടങ്ങിയ താരങ്ങൾ എത്തി വിവാഹ നിശ്ചയ ചടങ്ങിൽ. നേരത്തേ തന്നെ താരം തന്റെ ഭാവി വധുവിനെ സാമൂഹിക മാധ്യമത്തിൽ കൂടി പരിചയപ്പെടുത്തിയിരുന്നു.
അതിയായ സന്തോഷത്തോടെയും അതുപോലെ ആവേശത്തോടെയും എന്റെ നവ വധുവിനെ പരിചയപ്പെടുത്തുന്നു. ജയപ്രിയ നായർ. ഞങ്ങൾ ഉടൻ വിവാഹിതർ ആകും. എല്ലാവരുടെയും പ്രാർത്ഥനകൾ ഉണ്ടാവണം. എന്നാണ് താരം സോഷ്യൽ മീഡിയയിൽ കുറിച്ചത്.