ചിത്രത്തിൽ ലാലേട്ടനൊപ്പം അഭിനയിച്ച ശരൺ അന്തരിച്ചു; ആദരാജ്ഞലികൾ നേർന്ന് മോഹൻലാൽ; ഇത്രയും പെട്ടന്ന് പോകുമെന്ന് കരുതിയില്ല; മനോജ് കെ ജയൻ..!!

189

മലയാളികൾക്ക് അത്ര സുപരിചിതനായ താരം ഒന്നുമല്ല ശരൺ. ശരൺ എന്ന് പറഞ്ഞാൽ അറിയുന്നവരും വിരളമായിരിക്കും. എന്നാൽ മോഹൻലാലിനെ നായകനാക്കി പ്രിയദർശൻ ഒരുക്കിയ ചിത്രം എന്ന സിനിമയിൽ മോഹൻലാലിനൊപ്പം സായിപ്പിനെ പറ്റിക്കാൻ എത്തുന്ന ആ തടിയൻ പയ്യനെ എത്ര കാലങ്ങൾ കഴിഞ്ഞാലും മറക്കാൻ വഴിയില്ല. എന്നാൽ ശരൺ ഇനിയില്ല.

ശരൺ ഒരു നടൻ മാത്രമല്ല ഡബ്ബിങ് ആർട്ടിസ്റ്റ് കൂടി ആണ്. ശരണിന്റെ വിയോഗത്തിൽ ആദരാഞ്ജലികൾ നൽകി മോഹൻലാൽ പോസ്റ്റുമായി എത്തിയിരുന്നു. നീ ഇത്രയും വേഗം പോകുമെന്ന് കരുതിയില്ല എന്നാണ് നടൻ മനോജ് കെ ജയൻ സാമൂഹിക മാധ്യമത്തിൽ കുറിച്ചത്. അടുത്തിടെ മോഹൻലാലിനെ കാണാൻ ഉള്ള ആഗ്രഹം ശരൺ പറഞ്ഞിരുന്നു. തന്റെ ആരോഗ്യനില മോശമാണ് എന്നും ലാലിനെ കാണാൻ ആഗ്രഹം ഉണ്ടെന്നും പറഞ്ഞിരുന്നു.

തുടർന്ന് ഒരു ഷോക്ക് ഇടയിൽ മോഹൻലാൽ ശരണുമായി സംസാരിച്ച വീഡിയോ വൈറൽ ആയിരുന്നു. ശരണിന്റെ വിയോഗത്തിൽ മനോജ് കെ ജയൻ കുറിച്ചത് ഇങ്ങനെ..

ശരൺ, അഭിനയജീവിതം തുടങ്ങിയ കാലം മുതൽ അറിയുന്ന വ്യക്തി, സുഹൃത്ത്. ’കുമിളകൾ’ സീരിയലിൽ 1989 ൽ അഭിനയിക്കുമ്പോൾ ശരണിന് ഒരു സിനിമാഗ്ലാമറും ഉണ്ടായിരുന്നു, ‘ചിത്രം’ സിനിമയിൽ ലാലേട്ടൻ്റെ കൂടെ ശ്രദ്ധേയമായ റോളിൽ വന്ന ആൾ എന്നതും .. മൂന്നു മാസം മുൻപ് സംസാരിച്ചിരുന്നു ആ കാലത്തെ ഒരു പാട് ഓർമ്മകളും, സന്തോഷങ്ങളും ഇപ്പോഴുള്ള കുറെ വിഷമങ്ങളും പങ്കു വച്ചു. ഇത്ര പെട്ടെന്ന് യാത്രയാകും എന്നു കരുതിയില്ല. ആദ്യകാല സംഭവങ്ങളും സൗഹൃദങ്ങളും നമുക്ക് ഒരിക്കലും മറക്കാനാവില്ല,,എനിക്കും.. വലിയ വിഷമത്തോടെ ശരണിന് ആദരാജ്ഞലികൾ അർപ്പിക്കുന്നുപ്രണാമം