ഡെങ്കിപ്പനി; അപകടനില തരണം ചെയ്തു സാന്ദ്ര തോമസ്; ഐസിയുവിൽ നിന്നും മാറ്റി..!!

138

കഴിഞ്ഞ ദിവസമാണ് നടിയും നിർമാതാവുമായ സാന്ദ്ര തോമസിനെ ഡെങ്കി പനി കൂടിയതിനെ തുടർന്ന് ഐസിയുവിൽ പ്രവേശിപ്പിച്ചത്.

എന്നാൽ ഇപ്പോൾ താരം തന്റെ അപകടനില തരണം ചെയ്ത വിവരം സാന്ദ്രയുടെ പേജിൽ കൂടി സഹോദരി അറിയിച്ചത്. അഞ്ച് ദിവസം ഗുരുതരാവസ്ഥയിൽ ഐസിയുവിൽ ആയിരുന്ന ചേച്ചി ഇപ്പോൾ മുറിയിലേക്ക് മാറി. ആരോഗ്യ നിലയിൽ വളരെ പുരോഗതിയുണ്ട്.

ചേച്ചിയുടെ ഗുരുതരമായ അവസ്ഥയെ തുടർന്ന് കഴിഞ്ഞ കുറേ ദിവസങ്ങളായി ഞങ്ങൾ വളരെയധികം സമ്മർദ്ദത്തിലായിരുന്നു. ചേച്ചിയുടെ വിവരമറിഞ്ഞ് ഒരുപാട് പേർ പ്രാർത്ഥിചിട്ടുണ്ട്. സാമൂഹിക മാധ്യമങ്ങൾ വഴി വന്ന സന്ദേശങ്ങൾക്ക് എല്ലാം മറുപടി നൽകാൻ സാധിച്ചിട്ടില്ലെന്നും സഹോദരി കുറിപ്പിൽ പറയുന്നു.

ജൂൺ 17 നു ആയിരുന്നു ഡെങ്കിപ്പനി കൂടിയ സാന്ദ്രയെ ഐസിയൂവിലേക്ക് മാറ്റിയത്. ഹൃദയമിടിപ്പും സമ്മർദവും കൂടിയതോടെ ആയിരുന്നു ഐസിയുവിലേക്ക് മാറ്റേണ്ടി വന്നത്. സഹോദരി സ്‌നേഹ തന്നെയായിരുന്നു ഈ വിവരം സാന്ദ്രയുടെ പേജിലൂടെ ആരാധകരെ അറിയിച്ചത്. പിന്നാലെ താരത്തിന് വേഗം സുഖപ്പെടട്ടെ എന്ന് പ്രാർത്ഥിച്ചു കൊണ്ടും മറ്റും നിരവധി പേർ എത്തുകയായിരുന്നു.

നിർമാതാവായി സിനിമയിൽ സജീവമായി മാറിയ താരമാണ് സാന്ദ്ര തോമസ്. ഫ്രൈഡെ ഫിലിം ഹൗസിൽ പങ്കാളി ആയിരുന്നു. പിന്നീട് വിവാഹം കഴിഞ്ഞ സാന്ദ്ര നിർമാണത്തിൽ നിന്നും പിന്മാറിയിരുന്നു. സക്കറിയയുടെ ഗർഭിണികൾ, മങ്കിപെൻ, പെരുച്ചാഴി തുടങ്ങിയ സിനിമകളുടെ നിർമാതാവ് ആണ്. ആമേനിലൂടെയാണ് അഭിനയത്തിൽ ശ്രദ്ധിക്കപ്പെടുന്നത്. പിന്നീട് ആടിലെ വേഷവും കൈയ്യടി നേടിക്കൊടുത്തു.