കന്നഡ സൂപ്പർസ്റ്റാർ പുനീത് രാജ് കുമാർ അന്തരിച്ചു; ആശുപത്രിയിൽ ആരാധകരുടെ പ്രവാഹം..!!

ഇന്ത്യൻ സിനിമ ലോകത്തിനെ മുഴുവൻ ഞെട്ടിച്ചുകൊണ്ട് മറ്റൊരു സൂപ്പർ താരം കൂടി വിടവാങ്ങി. കന്നഡ സിനിമ ലോകത്തിൽ പവർ സ്റ്റാർ ആയി അറിയപ്പെടുന്ന പുനീത് രാജ് കുമാറിന്റെ അപ്രതീക്ഷിത വിയോഗത്തിന്റെ ഞെട്ടിലിൽ ആണ് ഇന്ത്യൻ സിനിമ ലോകം മുഴുവൻ.

46 വയസ്സ് മാത്രം ആണ് അദ്ദേഹത്തിന്റെ പ്രായം. വെള്ളിയാഴ്ച രാവിലെ ഹൃദയാഘാതം ഉണ്ടയതിനെ ആശുപത്രിയിൽ പ്രവേശിപ്പിക്കുക ആയിരുന്നു. അതീവ ഗുരുതരാവസ്ഥയിൽ ആയിരുന്ന അദ്ദേഹത്തിന്റെ മരണം ഉച്ചക്ക് രണ്ടരയോടെ ആണ് സ്ഥിരീകരിക്കുന്നത്.

കന്നഡ സിനിമയിലെ എക്കാലത്തെയും വലിയ താരം രാജ് കുമാറിന്റെ മകനായ പുനീത് മുപ്പതോളം സിനിമകളിൽ അഭിനിയിച്ചിട്ടുണ്ട്. പവർ സ്റ്റാർ എന്ന് ആരാധകർ വിളിക്കുന്ന പുനീതിന് 1985 ൽ മികച്ച ബാലതാരത്തിനുള്ള ദേശീയ ചലച്ചിത്ര പുരസ്കാരം ലഭിച്ചു. സഹോദരൻ ശിവരാജ് കുമാറും കന്നഡ സിനിമയിലെ സൂപ്പർ താരമാണ്.

നിർമാതാവ് ഗായകൻ അവതാരകൻ എന്നീ നിലകളിലും പേരെടുത്തിരുന്നു. അമ്മ പാർവതമ്മ. ഭാര്യ: അശ്വിനി രേവന്ത്. മക്കൾ: ധൃതി വന്ദിത. ബാലതാരമായി നിരവധി സിനിമകളിൽ അഭിനയിച്ചു. ‘ബേട്ടഡ് ഹൂവു’ എന്ന ചിത്രത്തിലെ അഭിനയത്തിനാണ് 1985 ൽ മികച്ച ബാലതാരത്തിനുള്ള ദേശീയ പുരസ്കാരം ലഭിച്ചത്.

ചലിസുക മൊദഗാലു ഈറാഡു നക്ഷത്രഗളു എന്നീ ചിത്രങ്ങൾക്ക് മികച്ച ബാലതാരത്തിനുള്ള സംസ്ഥാന പുരസ്കാരം രണ്ടുവട്ടം ലഭിച്ചിട്ടുണ്ട്. 2002 ൽ അപ്പു എന്ന ചിത്രത്തിലൂടെയാണ് നായകനായി അരങ്ങേറ്റം. അപ്പു എന്നത് പിന്നീട് പുനീതിന്റെ വിളിപ്പേരായി. അഭി വീര കന്നഡിഗ.

റാം അൻജാനി പുത്ര പവർ മൗര്യ അരസു വംശി പൃഥ്വി ജാക്കി രാജകുമാര രണവിക്രമ നടസാർവഭൗമ തുടങ്ങിയവയാണ് പ്രധാന ചിത്രങ്ങൾ. മോഹൻലാലിനൊപ്പം ‘മൈത്രി’ എന്ന സിനിമയിലും അഭിനയിച്ചിട്ടുണ്ട്. കോൻ ബനേഗാ ക്രോർപതിയുടെ കന്നഡ പതിപ്പായ കന്നഡദ കോട്യധിപതി എന്ന ടിവി ഷോ അവതരിപ്പിച്ചിട്ടുണ്ട്.