ജോലിക്കാരിയെ നോക്കുകുത്തിയായി ഭക്ഷണം കഴിച്ച സംഭവം; വീഡിയോക്ക് പിന്നിലെ സത്യാവസ്ഥ വെളിപ്പെടുത്തി അർച്ചന സുശീലൻ..!!

എന്റെ മനസപുത്രി എന്ന ഏഷ്യാനെറ്റ് സംപ്രേഷണം ചെയ്ത സീരിയലിൽ ഗ്ലോറി എന്ന വില്ലത്തി വേഷം ചെയ്തു ശ്രദ്ധ നേടിയ ആൾ അർച്ചന സുശീലൻ. പാതി മലയാളിയായ അർച്ചന നിരവധി പരമ്പരകളിൽ വില്ലത്തി വേഷം ചെയ്തിട്ടുണ്ട്. അതുപോലെ തന്നെ താരം സീരിയലുകളിൽ സജീവമല്ലാതെ ആയപ്പോൾ ആണ് ഏറ്റവും വലിയ റിയാലിറ്റി ഷോകളിൽ ഒന്നായ ബിഗ് ബോസ്സിന്റെ മലയാളം പതിപ്പിൽ മത്സരാർത്ഥിയായ എത്തിയത്.

എന്നാൽ ഇപ്പോൾ ലോക്ക് ഡൌൺ ആയതോടെ വീട്ടിൽ അച്ഛനും അമ്മയ്ക്കും ഒപ്പം ആണ് താരം. ടിക് ടോക്കിൽ സജീവം ആയ താരം കഴിഞ്ഞ ദിവസം ഷെയർ ചെയ്ത ഒരു വിഡിയോയിൽ ആണ് ട്രോൾ വാങ്ങി കൂട്ടിയത്. അമ്മയ്ക്കും അച്ഛനും അർച്ചന പാകം ചെയ്ത പനീർ ബട്ടർ മസാല നൽകുന്നതിന് വേലക്കാരി നോക്കി നിൽക്കുന്ന വീഡിയോ ആണ് വൈറൽ ആയത്. നിരവധി ആളുകൾ ആണ് വിമർശനവും ആയി എത്തിയത്. എന്നാൽ ഈ വീഡിയോയുടെ സത്യാവസ്ഥ വെളിപ്പെടുത്തി രംഗത്തിൽ എത്തിയിരിക്കുകയാണ് അർച്ചന ഇപ്പോൾ…

വിഡിയോയിൽ കാണുന്ന പെൺകുട്ടി ഭക്ഷണം കഴിക്കുന്ന വിഡിയോയും ഒരു പോസ്റ്റുമാണ് അർച്ചന പങ്കുവെച്ചത്. എന്നെ വിമർശിക്കുന്നവർക്ക് ഉള്ള ഒരു പോസ്റ്റ് ആണ് ഇത്. ഇങ്ങനെ ഒരു പോസ്റ്റ് ഇട്ടു വിശദീകരണം നൽകേണ്ടി വരും എന്ന് കരുതി ഇരുന്നില്ല. അവൾ കുടുംബത്തിലെ ഒരു അംഗം ആണ്. കുടുംബത്തിൽ ഉള്ള മുതിർന്നവരെ ബഹുമാനിക്കണം എന്നാണ് മാതാപിതാക്കൾ പഠിപ്പിച്ചു തന്നിട്ടുള്ളത്.

ആദ്യം ഡാഡിക്കും മമ്മിക്കും ഭക്ഷണം കൊടുത്തതും അതുകൊണ്ടാണ്. എന്റെ പോസ്റ്റുകളിൽ എനിക്കൊപ്പം റിങ്കിയും ഉണ്ട്. എന്നോടൊപ്പം വർക്ക് ഔട്ട് ചെയ്തത് കൊണ്ടാണ് അവൾ ക്ഷീണിച്ചിരിക്കുന്നത് എന്നും ആണ് അർച്ചന പോസ്റ്റിൽ കൂടി വ്യക്തം ആക്കിയിരിക്കുന്നത്.