വിവാഹത്തിന് മണിക്കൂറുകൾ ബാക്കി നിൽക്കെ വധു ഒളിച്ചോടി; വരന്റെയും കുടുംബത്തിന്റെയും മാനം കാത്ത് മറ്റൊരു പെൺകുട്ടി..!!
വിവാഹത്തിന് മണിക്കൂറുകൾ ബാക്കി നിൽക്കെ വധു കാമുകനൊപ്പം ഒളിച്ചോടി. മലപ്പുറം തിരൂരങ്ങാടിയിൽ ആണ് സംഭവം. തിരൂരങ്ങാടി സ്വദേശി വിവാഹം കഴിക്കാൻ ഇരുന്നത് വെളിമുക്കിൽ ഉള്ള പെൺകുട്ടിയെ ആയിരുന്നു. കഴിഞ്ഞ വ്യാഴാച ആണ് സംഭവം ഉണ്ടാകുന്നത്.
ഇരു വീട്ടുകാരും ഒരുക്കങ്ങൾ എല്ലാം പൂർത്തിയാക്കി വിവാഹത്തിന് ഒരുങ്ങി നിൽക്കുമ്പോൾ ആണ് ബുധനാഴ്ച രാത്രി പെൺകുട്ടി കാമുകനൊപ്പം മുങ്ങിയത്. സംഭവം പണിയാകും എന്ന് കണ്ടതോടെ വിവരം വരന്റെ വീട്ടുകാരെ അറിയിക്കുകയായിരുന്നു. മാനം രക്ഷിക്കാൻ എത്രയും പെട്ടെന്ന് ഒരു വധുവിനെ കണ്ടെത്താൻ വരന്റെ കുടുംബാംഗങ്ങൾ തീരുമാനിക്കുകയായിരുന്നു.
അന്വേഷണത്തിനൊടുവിൽ ചെറുപ്പാറയിൽ നിന്നുള്ള പെൺകുട്ടിയെ കണ്ടെത്തി. ചെമ്മാട് ഓഡിറ്റോറിയത്തിൽവെച്ച് നിശ്ചയിച്ച മുഹൂർത്തത്തിൽ തന്നെ വിവാഹം നടന്നു. ഒളിച്ചോടിപ്പോയ യുവതിയും കാമുകനും കഴിഞ്ഞ ദിവസം പൊലീസ് സ്റ്റേഷനിൽ ഹാജരായി.