ഹോമിൽ കൂടി ആദ്യമായി നായികയായി അരങ്ങേറ്റം; മോഡലിങ്ങിൽ കൂടി അഭിനയ ലോകത്തേക്ക്; ദീപ തോമസിന്റെ വിശേഷങ്ങൾ ഇങ്ങനെ..!!

3,480

മലയാളത്തിൽ ഒരുകാലത്തിൽ കലാലയ പ്രതിഭകൾ ആയിരുന്നു അഭിനയ ലോകത്തിലേക്ക് എത്തുന്നത് എങ്കിൽ ഇപ്പോൾ മോഡലിങ്ങിൽ കൂടി ആണ് താരങ്ങൾ എത്തുന്നത്. അത്തരത്തിൽ എത്തിയ ഒരു അഭിനയത്രിയാണ് ദീപ തോമസ്.

നഴ്‌സിംഗ് പഠിക്കുന്ന കാലത്തിൽ ആയിരുന്നു ദീപ മോഡലിങ്ങിലേക്ക് എത്തുന്നത്. മിസ് സൗത്ത് ഇന്ത്യ റണ്ണറപ്പ് ആയിരുന്നു. ആലുക്കാസ് , ഭീമ , വണ്ടർലാ തുടങ്ങി നിരവധി ബ്രാൻഡുകൾക്ക് വേണ്ടി പരസ്യ ചിത്രങ്ങളിൽ ദീപ തോമസ് അഭിനയിച്ചിട്ടുണ്ട്.

മലയാളികളുടെ ജനപ്രീതി നേടിയ വെബ് സീരീസ് ആയ കരിക്ക് ഫ്ലിക്കിൽ കൂടി ആണ് കൂടുതൽ ശ്രദ്ധ നേടിയത്. കഴിഞ്ഞ എൽ ഡി എഫ് സർക്കാരിന്റെ പരസ്യങ്ങളിലും ദീപ എത്തിയിട്ടുണ്ട്. ആഷിക്ക് അബു സംവിധാനം ചെയ്ത വൈറസിൽ കൂടി ആണ് ദീപ സിനിമയിലേക്ക് എത്തുന്നത്.

ജൂനിയർ ഡോക്ടറിന്റെ വേഷം ആയിരുന്നു. തുടർന്ന് ഫഹദ് ഫാസിൽ ചിത്രം ട്രാൻസിൽ ക്വയർ ഗായികയായും ദീപ എത്തി.

കുഞ്ചാക്കോ ബോബൻ നായകൻ ആയി എത്തിയ മോഹൻകുമാർ ഫാൻസ്‌ എന്ന ചിത്രത്തിൽ വിനയ് ഫോർട്ടിന്റെ സൂപ്പർ താരം ആകാശ് മേനോന്റെ കുമുകി വേഷം ദീപ ചെയ്തിട്ടുണ്ട്.

എന്നാൽ വിജയ് ബാബു നിർമ്മിച്ച് ശ്രീനാഥ്‌ ഭാസി , ഇന്ദ്രൻസ് എന്നിവർ പ്രധാന വേഷത്തിൽ എത്തിയ ഹോം എന്ന ചിത്രത്തിൽ കൂടി ദീപ തോമസ് ആദ്യമായി മുഴുനീള നായികാ വേഷം ചെയ്യുന്നത്. കോഴിക്കോട് സ്വദേശിയാണ് ദീപ തോമസ്.

കോവൂർ പാലാഴി എംഎൽഎ റോഡിൽ ദേവഗിരി പബ്ലിക്ക് സ്കൂളിന്റെ പിന്നിൽ ആണ് താമസിക്കുന്നത്. മൂന്നു മക്കളിൽ രണ്ടാത്തെ ആൾ ആണ് ദീപ. ചേച്ചി കാനഡയിൽ നേഴ്സ് ആണ്. അനിയൻ മെഡിക്കൽ ഇമേജിങ് വിദ്യാർത്ഥി ആണ്.