മോശം പ്രതികരണങ്ങൾ മറികടന്നത് ബീസ്റ്റ് 200 കോടി ക്ലബ്ബിൽ; വിജയിക്ക് എതിരാളികൾ ഇല്ല..!!

110

തെന്നിന്ത്യൻ സിനിമയിൽ തനിക്ക് എതിരാളികൾ ഇല്ല എന്ന് ഒരിക്കൽ കൂടി തെളിയിച്ച് ദളപതി വിജയ്. സൺ പിക്ചേഴ്സ് നിർമ്മിച്ച് നെൽസൺ ദിലീപ് കുമാർ സംവിധാനം ചെയ്ത ബീസ്റ്റ് ആദ്യ ദിനം കഴിഞ്ഞപ്പോൾ തന്നെ സമ്മിശ്ര പ്രതികരണങ്ങൾ ആണ് ലഭിച്ചത്.

കേരളത്തിൽ വളരെ അധികം മോശം പ്രതികരണം ലഭിക്കുകയും ഒപ്പം ഇറങ്ങിയ കെ ജി എഫ് 2 അതിഗംഭീരം റിപ്പോർട്ട് കൂടി കിട്ടിയതോടെ ബീസ്റ്റ് കടപുഴകി വീഴുക ആയിരുന്നു. എന്നാൽ ഇത്രയേറെ നെഗറ്റിവ് റിപ്പോർട്ടുകൾ വന്നിട്ടും വമ്പൻ കളക്ഷൻ നേടുകയാണ് ബീസ്റ്റ്. ഒരു വാരം പിന്നിടുമ്പോൾ ചിത്രം ആഗോള ബോക്സ് ഓഫീസ് കളക്ഷൻ 200 കോടി കഴിഞ്ഞിരിക്കുകയാണ്.

ചിത്രം തമിഴ് നാട്ടിൽ നിന്നും മാത്രം നേടിയത് നൂറുകോടി രൂപയാണ്. തമിഴിൽ ഏറ്റവും കൂടുതൽ നൂറുകോടി കളക്ഷൻ തമിഴ്‌നാട്ടിൽ നിന്നും മാത്രം നേടിയ താരമായി വിജയ് മാറിക്കഴിഞ്ഞു. അഞ്ചു ചിത്രങ്ങൾ ആണ് ഈ നേട്ടം കൈവരിച്ചിട്ടുള്ളത്.

അതുപോലെ ഏറ്റവും കൂടുതൽ ഇരുന്നൂറു കോടി കളക്ഷൻ നേടിയ തമിഴ് താരം എന്ന റെക്കോർഡ് നേട്ടം രജനികാന്തിനൊപ്പം എത്തി നിൽക്കുകയാണ് വിജയ്. അഞ്ച് ചിത്രങ്ങൾ ആണ് ബോക്സ് ഓഫീസിൽ നിന്നും ഇരുന്നൂറു കോടി നേടുന്നത്. നേരത്തെ സർക്കാർ, മെർസൽ, ബിഗിൽ, മാസ്റ്റർ എന്നി ചിത്രങ്ങൾ ഈ നേട്ടം നേടിയിരുന്നു.

ചെന്നൈയിൽ ഒരു മാൾ തടവുപുള്ളിയെ മോചിപ്പിക്കാൻ വേണ്ടി ഹൈജാക്ക് ചെയ്യുന്നതും അപ്രതീക്ഷിതമായി മാളിൽ എത്തുന്ന പട്ടാളക്കാരനായ വിജയ് മാളിൽ ഉള്ള ആളുകളെ രക്ഷിക്കുന്നതും ആണ് ചിത്രത്തിന്റെ ഇതിവൃത്തം. പൂജ ഹെഡ്ജ് ആണ് ചിത്രത്തിൽ നായിക. മലയാളി താരങ്ങൾ ആയ അപർണ്ണ തോമസ്, ഷൈൻ ടോം ചാക്കോ എന്നിവർ ചിത്രത്തിൽ പ്രധാന വേഷത്തിൽ എത്തുന്നുണ്ട്.

You might also like