കേരളത്തിലെ ഏറ്റവും മികച്ച തീയറ്റർ ഏരീസ് പ്ലസ് അടച്ചുപൂട്ടുന്നു; കാരണക്കാർ നിർമാതാക്കളുടെ സംഘടന..!!
തീയറ്ററുകൾ തുറന്നതോടെ വമ്പൻ വിവാദങ്ങൾ ആണ് ഇപ്പോൾ സിനിമ മേഖലയിൽ നടക്കുന്നത്. മോഹൻലാൽ ചിത്രം മരക്കാർ അറബിക്കടലിന്റെ സിംഹം തീയറ്റർ റിലീസ് സംബന്ധിച്ച ചർച്ചകളും വിവാദങ്ങൾക്കും ശേഷം ഇപ്പോൾ മരക്കാർ എവിടെ ആയിരിക്കും റിലീസ് ചെയ്യുക എന്നുള്ളതിന് അന്തിമ തീരുമാനം എടുക്കാൻ കഴിഞ്ഞട്ടില്ല.
എന്നാൽ കേരളത്തിലെ ആദ്യ ഫോർ കെ തീയറ്ററും കേരളത്തിലെ ഏറ്റവും മികച്ച ശബ്ദ മിശ്രണം അടക്കമുള്ള നിലവാരമുള്ള തീയറ്റർ ആയ ഏരീസ് പ്ലസ് അടച്ചു പൂട്ടുകയാണ് എന്ന് ഉടമസ്ഥൻ സോഹൻ റോയ് പറയുന്നു. നിർമാതാക്കളുടെ സംഘടനയുമായി ഉണ്ടായ അഭിപ്രായ വ്യത്യാസത്തെ തുടർന്നാണ് സംഭവം.
കഴിഞ്ഞ ദിവസം പുറത്തിറങ്ങിയ സ്റ്റാർ എന്ന മലയാളം സിനിമ മോശം ആണെന്ന് ഏരീസ് പ്ലസ് ജീവനക്കാർ വാട്സാപ്പ് ഗ്രൂപ്പിൽ പറഞ്ഞതോടെ ആണ് സംഭവങ്ങൾക്ക് തുടക്കം. ഇതോടെ ഏരീസ് പ്ലസിൽ ഇനി മലയാളം സിനിമകൾ വേണ്ട എന്നുള്ള തീരുമാനം ഉണ്ടായത്.
മലയാള സിനിമകൾ റിലീസ് ഉണ്ടാവില്ലാത്ത സാഹചര്യത്തിൽ ആണ് തീയറ്റർ അടച്ചു പൂട്ടുന്നത് എന്ന് സോഹൻ റോയ് പറയുന്നു. അഡ്വാൻസ് കൊടുത്ത ചിത്രങ്ങളുടെ അഡ്വാൻസ് തുക അടക്കം തിരികെ വാങ്ങി എന്നും സോഹൻ റോയ് പറയുന്നു.
എന്നാൽ സംഘടനാ ഇത്തരത്തിൽ ഒരു തീരുമാനം എടുത്തിട്ടില്ല എന്നും എന്നാൽ ചില നിർമാതാക്കൾ എടുത്ത തീരുമാനം ആണെന്ന് നിർമാതാക്കളുടെ അസോസിയേഷൻ പറയുമ്പോൾ ഇത് ഒന്നോ രണ്ടോ ആളുകൾ വെച്ച് എടുത്ത തീരുമാനം അല്ല എന്നാണ് സോഹൻ റോയ് പറയുന്നത്.