പറഞ്ഞ വാക്ക് പാലിച്ച് ആശിർവാദ് സിനിമാസ്; ലൂസിഫറിലെ പൊളിഞ്ഞ പള്ളിക്ക് ശാപമോക്ഷം..!!

60

മോഹൻലാൽ നായകനായി ഈ വർഷം റിലീസ് ചെയ്ത ലൂസിഫർ ചിത്രം മലയാള സിനിമയിലെ എക്കാലത്തെയും വലിയ വിജയം ആയി മാറിക്കഴിഞ്ഞു.

200 കോടി നേടിയ ആദ്യ മലയാളം സിനിമ എന്ന റെക്കോർഡ് ലൂസിഫർ സ്വന്തമാക്കിയപ്പോൾ, അതിനൊപ്പം മറ്റൊരു ഇത് കൂടി ചെയ്തു ആശിർവാദ് സിനിമാസ്, ലൂസിഫർ ചിത്രത്തിന്റെ ക്ലൈമാക്സിൽ മഞ്ജു വാര്യരുമായി മോഹൻലാൽ സംസാരിക്കുന്ന പൊട്ടി പൊളിഞ്ഞു കിടക്കുന്ന ഒരു ആരാധനാലയം ഉണ്ട്.

ഇടുക്കിയിലെ തേയില തൊട്ടങ്ങളെയും മല നിരകളേയും സാക്ഷിയാക്കിയുള്ള ആ ദേവാലയം സെറ്റ് ഇട്ടത് ആണെന്ന് തോന്നിയെങ്കിൽ തെറ്റി, ഇടുക്കിയിലെ കുടിയേറ്റ മേഖലയിൽ ഒന്നായ ഉപ്പുതറയിൽ ലോൺ ട്രി രണ്ടാം ഡിവിഷനിൽ ആണ് ഈ പൊളിഞ്ഞ ദേവാലയം ഉണ്ടായിരുന്നത്. എന്നാൽ ആ ദേവാലയം പഴയ രൂപത്തിൽ ഇനി കാണാൻ കഴിയില്ല എന്നുള്ളതാണ് സത്യം.

ലൂസിഫർ ചിത്രത്തിന്റെ ചിത്രീകരണം നടത്താൻ അണിയറ പ്രവർത്തകർ എത്തിയപ്പോൾ നൽകിയ വാക്ക് ആണ് ആന്റണി പെരുമ്പാവൂർ പൂർണമായും പാലിച്ചിരിക്കുന്നത്, എട്ട് ലക്ഷം രൂപ മുടക്കി പൊളിഞ്ഞ ദേവാലയം പുതുക്കി പണിഞ്ഞു നൽകിയിരിക്കുകയാണ് ആശിർവാദ് സിനിമാസ്.

You might also like