ലാലിന്റെ കല്യാണത്തിന് വെച്ച അതെ കണ്ണാടിയാണ് ബറോസിന്റെ പൂജക്കും വെച്ചത്; മമ്മൂട്ടി; 34 വർഷങ്ങളായി കാത്തുസൂക്ഷിക്കുന്ന നിധിപോലെ..!!

കഴിഞ്ഞ ഒട്ടേറെ വര്ഷങ്ങളായി മലയാള സിനിമയിൽ എതിരാളികൾ ഇല്ലാത്ത നിൽക്കുന്ന താരങ്ങൾ ആണ് മോഹൻലാലും അതുപോലെ തന്നെ മമ്മൂട്ടിയും. ഇരുവരുടെയും ആരാധകർ ഇന്നും സ്വരച്ചേർച്ചയിൽ അല്ലെങ്കിൽ കൂടിയും മമ്മൂട്ടിക്ക് ലാൽ എന്നാലും മോഹൻലാലിന് ഇച്ചാക്ക എന്നാലും സഹോദരങ്ങൾ പോലെ തന്നെ സ്നേഹമാണ്. അത് പലപ്പോഴും പ്രകടപ്പിക്കുന്നത് പരസ്യമാകാറുമുണ്ട്.

പ്രണവ് മോഹൻലാൽ ആദ്യമായി സിനിമയിലേക്ക് എത്തിയപ്പോൾ മമ്മൂട്ടിയെ നേരിൽ കണ്ട് അനുഗ്രഹം വാങ്ങിയിരുന്നു. ഇപ്പോൾ സിനിമ കഴിഞ്ഞാൽ മമ്മൂട്ടി ഏറ്റവും കൂടുതൽ ഇഷ്ടപ്പെടുന്നത് വാഹനങ്ങളും കൂളിംഗ് ഗ്ലാസുമാണ്. ഇത് പരസ്യമായ അദ്ദേഹത്തിന്റെ ഇഷ്ടങ്ങൾ തന്നെയാണ് എല്ലാവര്ക്കും അറിയുകയും ചെയ്യാം.

എന്നാൽ പുതിയ സാങ്കേതിക വിദ്യയും ഫാഷനും എല്ലാം വരുമ്പോഴും മമ്മൂട്ടി പഴമയെ മറക്കുന്ന ആളല്ല. അതിനു ഉദാഹരണമായി സോഷ്യൽ മീഡിയയിൽ വൈറൽ ആകുന്നത് മമ്മൂട്ടി അഭിമുഖത്തിൽ പറഞ്ഞ കാര്യങ്ങൾ തന്നെയാണ്. മോഹൻലാലിന്റെ കല്യാണത്തിന് മമ്മൂട്ടി വെച്ച കണ്ണാടി ഇന്നും മുപ്പത്തിനാല് വർഷങ്ങൾക്ക് ഇപ്പുറവും ഒരു നിധിപോലെ മമ്മൂട്ടി കൈകളിൽ സൂക്ഷിക്കുന്നുണ്ട്.

മമ്മൂട്ടി തന്നെ ആയിരുന്നു ഇക്കാര്യം വെളിപ്പെടുത്തിയത്. മോഹൻലാലിന്റെ വിവാഹ വേളയിൽ താൻ വെച്ച കണ്ണാടിയാണ് ലാൽ ആദ്യമായി സംവിധാനം ചെയ്യുന്ന ചിത്രം ബറോസിന്റെ പൂജക്ക് വന്നപ്പോൾ താൻ വെച്ചിരുന്നത് എന്നാണ് മമ്മൂട്ടി പറയുന്നത്. 1988 ആയിരുന്നു മോഹൻലാൽ വിവാഹിതൻ ആകുന്നത്.

സംഘം എന്ന ചിത്രത്തിന്റെ ലൊക്കേഷനിൽ നിന്നും പ്രീമിയർ പത്മിനി കാറിൽ ആയിരുന്നു ഭാര്യക്കൊപ്പം വെള്ള ജുബ്ബ ഒക്കെ ഇട്ട് മമ്മൂട്ടി അന്ന് എത്തിയത്. അതുപോലെ മമ്മൂട്ടി ആദ്യം വാങ്ങിയ മാരുതി കാർ മുതൽ ഇന്നും അദ്ദേഹം വീട്ടിൽ ഒരു ഗാരേജ് പണിത് സൂക്ഷിക്കുണ്ട്.