നേനു ചാല ഡെയിഞ്ചറസ്; ആക്ഷനും ഒപ്പം മാസ്സ് ഡയലോഗുകളും കോമഡിയും കോർത്തിണക്കി ആറാട്ട്; ഇന്റർവെൽ വരെ ഇങ്ങനെ..!!

കാത്തിരിപ്പുകൾക്ക് ഒടുവിൽ മോഹൻലാൽ നായകനായി എത്തുന്ന നെയ്യാറ്റിൻകര ഗോപന്റെ ആറാട്ട് തീയറ്ററുകളിൽ എത്തി. മോഹൻലാൽ ഗാനഭൂഷണം നെയ്യാറ്റിൻകര ഗോപൻ എന്ന ടൈറ്റിൽ വേഷത്തിൽ തന്നെയാണ് എത്തുന്നത്.

ഉദയകൃഷ്ണ ഒരുക്കുന്ന തിരക്കഥ എന്ന് പറയുമ്പോൾ തന്നെ വമ്പൻ മാസ്സ് ചിത്രം എന്ന് തന്നെ വേണം പറയാൻ. അത്തരത്തിൽ ഉള്ള ഒരു സിനിമ തന്നെയാണ് ആറാട്ട് എന്നും തെളിയിക്കുന്നതാണ് ആദ്യ പകുതി.

ലാലേട്ടന്റെ തന്നെ ചില സൂപ്പർഹിറ്റ് ഡയലോഗുകളും മറ്റും കോർത്തിണക്കി ആണ് ചിത്രത്തിൽ കോമഡി രംഗങ്ങൾ കൊണ്ടുവന്നിരിക്കുന്നത്. വില്ലൻ എന്ന ഇമോഷണൽ ത്രില്ലെർ ചിത്രത്തിന് ശേഷം ബി ഉണ്ണികൃഷ്ണൻ മോഹൻലാൽ കോമ്പിനേഷൻ വീണ്ടും ഒന്നിക്കുന്നത് ആറാട്ടിൽ കൂടി ആണ്.

ആക്ഷൻ പാക്കിഡ്‌ കോമഡി ചിത്രം എന്നതിന് നൂറുശതമാനം നീതി പുലർത്താൻ ചിത്രത്തിന്റെ ആദ്യ പകുതിയിൽ തന്നെ കഴിഞ്ഞു എന്ന് വേണം പറയാൻ. മോഹൻലാൽ ഇത്രക്കും ചടുലമായി ആടി തിമിർത്ത് അഭിനയിക്കുന്നത് ഏറെ കാലങ്ങൾക്ക് ശേഷം ആണ്.

മലയാളത്തിൽ ഏറ്റവും കൂടുതൽ ബ്രാൻഡ് വാല്യൂ ഉള്ള താരമാണ് മോഹൻലാൽ. പ്രത്യേകിച്ച് മോഹൻലാൽ ആരാധകർക്ക് ഇടയിൽ വലിയ സ്വീകാര്യതയുള്ള മാസ്സ് പരിവേഷ ചിത്രവുമായി ആണ് ബി ഉണ്ണികൃഷ്ണൻ എത്തുമ്പോൾ അത് പൂർണ്ണമായും കൊണ്ടുവരാൻ കഴിഞ്ഞിട്ടുണ്ട്.

ലോക വ്യാപകമായി 2700 ൽ അധികം സ്‌ക്രീനിൽ ആണ് ചിത്രം റിലീസ് ചെയ്യുന്നത്. കൂടാതെ 250 ൽ അധികം ഫാൻസ്‌ ഷോ ആണ് ചിത്രത്തിന് ഉള്ളത്. രാവിലെ 8 മണിമുതൽ ആണ് കേരളത്തിൽ ആദ്യ ഷോ ആരംഭിച്ചത്.

സംവിധായകൻ ബി ഉണ്ണി കൃഷ്ണനും തിരക്കഥാകൃത്ത് ഉദയ കൃഷ്ണയും വമ്പൻ മാസ്സ് മസാല എന്റർടൈൻമെന്റ് ആയി ആണ് നെയ്യാറ്റിൻകര ഗോപന്റെ ആറാട്ട് എന്ന മോഹൻലാൽ ചിത്രം എത്തിക്കുന്നത്. നാലു ഫൈറ്റ് സീനുകൾ ആണ് ചിത്രത്തിൽ ഉള്ളതെന്ന് സംവിധായകൻ ബി ഉണ്ണികൃഷ്ണൻ നേരത്തെ പറഞ്ഞിരുന്നു.

ചിത്രത്തിലെ നാല് ആക്ഷൻ രംഗങ്ങളും കൊറിയഗ്രാഫി ചെയ്തിരിക്കുന്നത് ഇന്ത്യൻ സിനിമയിലെ തന്ന പ്രകത്ഭരായ നാല് പേര് ആണ് എന്നുള്ളതാണ് ഏറ്റവും വലിയ പ്രത്യേകത. അനിൽ അറസു , കെ രവി വർമ്മ , എ വിജയ് , സുപ്രീം സുന്ദർ എന്നിവർ ആണ് ആക്ഷൻ കൊറിയോഗ്രാഫി ചെയ്‌തിരിക്കുന്നത്‌.

മ്യൂസിക്കും ബിജിഎമും ചെയ്തിരിക്കുന്നത് രാഹുൽ രാജ് ആണ്. ഒരു പ്രത്യേക ലക്ഷ്യവുമായി നെയ്യാറ്റിൻകരയിൽ നിന്നും പാലക്കാട് എത്തുന്ന ഗോപന്റെ കഥയാണ് ചിത്രം പറയുന്നത്.

കെജിഎഫിൽ കൂടി ശ്രദ്ധ നേടിയ ഗരുഡ രാമചന്ദ്ര റാവു ആണ് ചിത്രത്തിൽ വില്ലൻ വേഷം ചെയ്യുന്നത്. ശ്രദ്ധ ശ്രീനാഥ്‌ , രചന നാരായണൻകുട്ടി , മാളവിക മോഹൻ , സ്വാസിക , നേഹ സക്സേന എന്നിവർ ആണ് നായികമാരായി എത്തുന്നത്.