വയനാട്ടിൽ ആദിവാസി പെണ്കുട്ടിയെ പീഡിപ്പിച്ച കേസിൽ ഒ എം ജോർജ്ജ് കീഴടങ്ങി..!!

10

പ്രായപൂർത്തിയാകാത്ത ആദിവാസി പെണ്കുട്ടിയെ നിരന്തരമായി പീഡിപ്പിച്ച കേസിൽ കോണ്ഗ്രസ്സ് നേതാവ് ഒ എം ജോർജ്ജ് മാനന്തവാടി എസ്എംഎസ് ഡിവൈഎസ്പിക്ക് മുന്നിൽ ആണ് കീഴടങ്ങിയത്.

പോക്സോ നിയമ പ്രകാരം ആണ് ജോർജിന് എതിരെ കേസ് ചുമത്തിയിരിക്കുന്നത്. മാതാപിതാക്കൾക്ക് ഒപ്പം വീട്ടിൽ ജോലി ചെയ്യാൻ എത്തിയ പെണ്കുട്ടിയെ ആണ് കഴിഞ്ഞ ഒന്നര വർഷമായി ജോർജ്ജ് പീഡിപ്പിച്ചിരുന്നത്.

പുറത്ത് പറഞ്ഞാൽ കൊല്ലും എന്ന ഭീഷണി മുഴക്കി ആണ് ജോർജ്ജ് കുട്ടിയെ പീഡിപ്പിച്ചിരുന്നത്. മറ്റൊരോടെങ്കിലും പറഞ്ഞാൽ നഗ്ന ചിത്രങ്ങൾ സോഷ്യൽ മീഡിയ വഴി പ്രചരിപ്പിക്കും എന്നും ഭീഷണി ഉണ്ടായിരുന്നു.

ഒ എം ജോർജ് മുൻ സുൽത്താൻ ബത്തേരി പഞ്ചായത്ത് പ്രസിഡന്റ് ആയിരുന്നു, കൂടാതെ മുൻ ഡിസിസി ജെനറൽ സെക്രട്ടറിയും ആയിരുന്നു. കേസിന്‍റെ പശ്ചാത്തലത്തില്‍ ഒ എം ജോർജിനെ അന്വേഷണ വിധേയമായി കോണ്‍ഗ്രസ് സസ്പെൻഡ് ചെയ്തിരുന്നു.

സംഭവത്തിൽ വിശദമായ അന്വേഷണം നടത്തി കർശനമായി നടപടിയെടുക്കുമെന്നും കുറ്റക്കാരെ ഒരു കാരണവശാലും പാർട്ടി സംരക്ഷിക്കില്ലെന്നും കെപിസിസി പ്രസിഡന്‍റ് മുല്ലപ്പള്ളി രാമചന്ദ്രന്‍ നേരത്തെ പറഞ്ഞിരുന്നു.