ദേവനന്ദയുടെ ദേഹത്ത് മുറിവുകളോ ചതവുകളോ ഇല്ലായെന്ന് പ്രാഥമിക റിപ്പോർട്ട്; പോസ്റ്മോർട്ടം തിരുവനന്തപുരത്ത്..!!

കൊല്ലം പള്ളിമണ്‍ ഇളവൂരില്‍ വീടിനകത്ത് കളിച്ചുകൊണ്ടിരിക്കെ ദുരൂഹസാഹചര്യത്തില്‍ ഇന്നലെ കാണാതായ ആറുവയസുകാരി ദേവനന്ദയുടെ മൃതദേഹം ഇത്തിക്കരയാറ്റിൽ കണ്ടെത്തി. മുങ്ങല്‍ വിദഗ്ധര്‍ നടത്തിയ തിരച്ചിലിലാണ് മൃതദേഹം കണ്ടത്.

തുടർന്ന് നടന്ന ഇൻക്വിസ്റ് റിപ്പോർട്ട് പ്രകാരം കുഞ്ഞിന്റെ ദേഹത്ത് മുറിവുകളോ ചതവുകളോ ഒന്നും തന്നെ ഇല്ല എന്നാണ് റിപ്പോർട്ട്. ബലപ്രയോഗത്തിന്റെ ലക്ഷണങ്ങളില്ലെന്നാണ് പ്രാഥമിക റിപ്പോർട്ട്. വ്യാഴാഴ്ച കാണാതായ കുട്ടിയെ ഇന്ന് രാവിലെയാണ് വീടിന് സമീപത്തെ ഇത്തിക്കരയാറ്റിൽ കണ്ടെത്തിയത്. മരണത്തിൽ നാട്ടുകാരും ബന്ധുക്കളും സംശയമുന്നയിച്ചിരുന്നു.

വസ്ത്രങ്ങളെല്ലാം മൃതദേഹത്തിൽ തന്നെ ഉണ്ടായിരുന്നു. മുറിവുകളും മറ്റു ബലപ്രയോഗത്തിന്റെ ലക്ഷണങ്ങളും പ്രാഥമിക പരിശോധനയിൽ പോലീസിന് കണ്ടെത്താനായിട്ടില്ല. കുട്ടിയുടെ ഷാളും സമീപത്ത് നിന്ന് കിട്ടി. മൃതദേഹം പോസ്റ്റുമാർട്ടത്തിനായി തിരുവനന്തപുരം മെഡിക്കൽ കോളേജിലേക്ക് കൊണ്ടുപോയി.

ശാസ്ത്രീയ പരിശോധനകളടക്കം നടത്തുമെന്ന് പോലീസ് അറിയിച്ചു. നാട്ടുകാരുടെ ദുരൂഹത ഉണ്ടെന്നുള്ള ആരോപണം കൃത്യമായ അന്വേഷണം നടത്തും എന്നാണ് കമ്മീഷണർ അറിയിച്ചിരിക്കുന്നത്.