ഏപ്രിൽ 10 എന്ന സുന്ദര ദിവസം സണ്ണി വെയിന്റെ കൂടെ ആയിരുന്നു, അന്നായിരുന്നു ബാല്യകാല സഖിയും ഏറെ കാലമായി പ്രണയത്തിലും ആയിരുന്ന രഞ്ജിനിയെ സണ്ണി വെയിൻ തന്റെ ജീവിതത്തിലേക്ക് കൂട്ടികൊണ്ട് വന്നത്. വലിയ ആഘോഷങ്ങളോ വർണാഭമായ പരിപാടികളോ ഇല്ലാതെ, അധികം മാധ്യമ ശ്രദ്ധ പോലും കൊടുക്കാതെ ആയിരുന്നു ഗുരുവായൂരിൽ വെച്ച് ഇരുവരുടെയും വിവാഹം.

വിവാഹം, കഴിഞ്ഞപ്പോൾ തന്നെ ഏവരുടെയും കണ്ണുകൾ അന്വേഷിച്ചത്, ആരാണ് സണ്ണി തന്റെ ഭാര്യയായി തിരഞ്ഞെടുത്ത ആ പെണ്കുട്ടി.

രഞ്ജിനി മികച്ച നർത്തകിയാണ്. മഴവിൽ മനോരമയിലെ നൃത്ത റിയാലിറ്റി ഷോയായ ഡി ഫോർ ഡാൻസിന്റെ ഡി 3യിൽ മത്സരാര്‍ത്ഥിയായി തിളങ്ങിയ രഞ്ജിനി ക്ഷേത്ര എന്ന നൃത്തവിദ്യാലയവും നടത്തുന്നുണ്ട്. ഇവിടെ രഞ്ജിനിയും രണ്ട് സുഹൃത്തുക്കളുമൊത്ത് നൃത്തം ചെയ്യുന്ന വിഡിയോയാണ് ഇപ്പോള്‍ വൈറലായിരിക്കുന്നത്. വരത്തനിലെ, നസ്രിയ ആലപിച്ച ഗാനത്തിനാണ് രഞ്ജിനിയും സുഹൃത്തുക്കളും ചുവടുവച്ചിരിക്കുന്നത്.

Actor sunny wayne