ടൂർണമെന്റ് തുടങ്ങുമ്പോൾ 150 റാങ്കിൽ; സമ്മാനായി ലഭിച്ചത് 18 കോടി; യൂ എസ് ഓപ്പൺ കിരീടം പതിനെട്ടുകാരി എമ്മ റെഡാക്കാനുവിന്..!!

യൂ എസ് ഓപ്പൺ ടൂർണ്ണമെന്റ് തുടങ്ങുമ്പോൾ റാങ്കിൽ 150 ആം സ്ഥാനത്ത് നിൽക്കുന്ന ഒരാൾ , യോഗ്യത റൗണ്ടുകൾ വിജയിച്ചു കയറി പ്രധാന റൗണ്ടിൽ എത്തിയ താരം എന്നാണു ആ ആൾ തന്നെയാണ് യൂ എസ് ഓപ്പൺ കിരീടം ചൂടിയത് എന്ന് പറയുമ്പോൾ അതൊരു പോരാട്ടം വീറുള്ള മത്സരം തന്നെയാണ്.

പതിനെട്ട് വയസ്സിന്റെ പ്രസരിപ്പും വിജയത്തിന്റെ സന്തോഷം ഒരു പുഞ്ചിരിയിൽ നിർത്തുന്ന അതീവ സൗന്ദര്യമുള്ള എമ്മ റഡുക്കാനു ഇന്ന് ടെന്നീസ് ലോകത്തിന്റെ നെറുകയിലാണ്‌. ടെന്നീസിന്റെ ചരിത്രത്തിലേക്ക് നടന്നുകയറി.

യൂ എസ് ഓപ്പൺ ടെന്നീസിലെ വനിതാ സിംഗിൾസ് ഫൈനലിൽ കാനഡയുടെ ലയന ഫെർണാണ്ടസിനെ നേരിട്ടുള്ള സെറ്റുകളിൽ തോൽപ്പിച്ച് പതിനെട്ട് കാരി എമ്മ റഡുക്കാനു കിരീടം നേടി. യോഗ്യത മത്സരത്തിൽ നിന്നും കണ്ടന്നെത്തി ആദ്യമായി ഗ്രാൻഡ് സ്ലാം കിരീടം നേടുന്ന ആൾ കൂടിയാണ് എമ്മ റഡുക്കാനു.

അതുകൂടാതെ 44 വർഷങ്ങൾക്ക് ശേഷം ഒരു ബ്രിട്ടീഷ് വനിതാ ഗ്രാൻഡ് സ്ലാം കിരീടം നേടുന്നത്. 1999 ൽ 18 വയസ്സ് തികയും മുന്നേ കിരീടം നേടിയ സെറീന വില്യംസിന് ശേഷം യൂ എസ് ഓപ്പൺ കിരീടം നേടുന്ന ഏറ്റവും പ്രായം കുറഞ്ഞ കിരീട ജേതാവ് കൂടിയാണ് എമ്മ റഡുക്കാനു. സമ്മാനമായി ലഭിക്കുന്നത് 18.24 കോടി രൂപയാണ്.

അതിനേക്കാൾ രസമുള്ള മറ്റൊരു കാര്യം എമ്മയോട്‌ ഫൈനലിൽ മത്സരിച്ച എതിരാളി 73 ആം റാങ്കുകാരി ലെയ്‌നക്ക് 19 വയസ്സ് മാത്രം ആണ് ഉള്ളത്. യോഗ്യത റൗണ്ടിലെ മൂന്നും പ്രധാന റൗണ്ടിലെ ഏഴും ചേർത്ത് പത്ത് മത്സരങ്ങൾ തുടർച്ചയായി ഒരു സെറ്റ് പോലും വിട്ടുകൊടുക്കാതെയാണ് കിരീടം എമ്മ നേടിയത്.