ഞെട്ടിക്കുന്ന തീ കൊളുത്തി കൊല്ലൽ വീണ്ടും കേരളത്തിൽ. മാവേലിക്കരയിൽ ആണ് നാടിനെ ഞെട്ടിച്ചു കൊണ്ട് കൊലപാതകം നടന്നത്. ഭർത്താവ് വിദേശത്ത് ഉള്ള മൂന്ന് കുട്ടികളുടെ അമ്മയും പോലീസ് ഉദ്യോഗസ്ഥയും ആയ സൗമ്യയെ ആണ് അക്രമി തീ കൊളുത്തിയത്.

ഇന്ന് വൈകിട്ട് വള്ളികുന്നം പോലീസ് സ്റ്റേഷനിൽ നിന്നും വീട്ടിലേക്ക് പോകുമ്പോൾ ആണ് പിന്നാലെ എത്തിയ കാറിൽ നിന്നും യുവാവ് ആദ്യം കാറുകൊണ്ട് സൗമ്യയെ ഇടിക്കുക ആയിരുന്നു. തുടർന്ന്, ഓടി രക്ഷപ്പെടാൻ ശ്രമിച്ച സൗമ്യയെ വടിവാൾ കൊണ്ട് വെട്ടി പരിക്കേല്പിക്കുകയും തുടർന്ന് പെട്രോൾ ഒഴിച്ച് തീ കൊളുത്തി കൊല്ലുകയും ആയിരുന്നു.

സംഭവത്തിൽ പൊള്ളൽ ഏറ്റ അക്രമിയെ ആശുപത്രിയിൽ പ്രവേശിപ്പിച്ചു, സൗമ്യയുടെ മൃതദേഹം ഇപ്പോഴും സംഭവ സ്ഥലത്ത് തന്നെയാണ്. ഭർത്താവ് വിദേശത്താണ്, മൂന്ന് മക്കൾ ഉണ്ട് സൗമ്യക്ക്.