താനും പ്രിയ വാര്യരും തമ്മിലുള്ള പ്രണയത്തെ കുറിച്ച് റോഷന്റെ വെളിപ്പെടുത്തൽ ഇങ്ങനെ..!!

107

ഒമർ ലുലു സംവിധാനം ചെയ്ത മൂന്നാം ചിത്രം ഫെബ്രുവരി14ന് ആണ് തീയറ്ററുകളിൽ എത്തിയത്. വലിയ പ്രമോഷൻ കിട്ടിയ പുതുമുഖ ചിത്രം കൂടിയാണ് ഒരു അടാർ ലൗ. മലയാളം കൂടാതെ തമിഴ്, തെലുങ്ക്, ഹിന്ദി ഭാഷകളിൽ ആണ് ചിത്രം ഒരേ സമയം റിലീസ് ചെയ്തത്.

എന്നാൽ, ചിത്രത്തിൽ ജൂനിയർ ആർട്ടിസ്റ് ആയി എത്തിയ നടി ആയിരുന്നു പ്രിയ പി വാര്യർ, എന്നാൽ ഒറ്റ കണ്ണിറുക്കൽ രംഗത്തോടെ പ്രിയയെ സോഷ്യൽ മീഡിയ ഏറ്റെടുക്കുക ആയിരുന്നു.

തുടർന്നാണ് ചിത്രത്തിലെ നായകനായ റോഷനും പ്രിയയും പ്രണയത്തിൽ ആണെന്നുള്ള തരത്തിൽ സോഷ്യൽ മീഡിയയിൽ വാർത്തകൾ എത്തി.

ഇപ്പോഴിതാ ഒരു യൂട്യൂബ് ചാനലിന് നൽകിയ അഭിമുഖത്തിൽ റോഷൻ പ്രിയയുമായുള്ള പ്രണയത്തെ കുറിച്ച് വെളിപ്പെടുത്തൽ നടത്തിയത്.

‘ഗോസിപ്പാണോ എന്ന് ചോദിച്ചാല്‍ എന്റെ സുഹൃത്തുക്കള്‍ വരെ ഇതേ ചോദ്യം എന്നോട് ചോദിക്കുന്നുണ്ട്. അവരെപോലും പറഞ്ഞ് മനസ്സിലാക്കാന്‍ എനിക്ക് സാധിച്ചിട്ടില്ല. അവര്‍ ഇപ്പോഴും വിശ്വസിക്കുന്നില്ല. പ്രിയ എന്റെ നല്ല സുഹൃത്താണ്.

ഒരു അഡാര്‍ ലൗവില്‍ നിന്ന് കിട്ടിയ ഒരു നല്ല സുഹൃത്ത്. ഗോസിപ്പുകള്‍ ഉണ്ടെങ്കില്‍ അത് അങ്ങനെ തന്നെ പോയിക്കോട്ടെ. അതെല്ലാം തമാശയായി മാത്രമേ എടുത്തിട്ടുള്ളൂ.’ ഇതായിരുന്നു റോഷന്റെ മറുപടി.