തൃശ്ശൂർ പൂരം ആണുങ്ങളുടേത്, സ്ത്രീകൾക്ക് അവിടെ സ്ഥാനമില്ല; റിമ കല്ലിങ്കൽ..!!

116

സിനിമയിൽ സ്ത്രീകൾക്ക് അവഗണനയും അതിനൊപ്പം തുല്യ വേദനത്തിനും വേണ്ടി പോരാടാൻ മുന്നിട്ടിറങ്ങിയ നടിമാരിൽ ഒരാൾ ആണ് റിമ കല്ലിങ്കൽ.

മലയാളികളുടെ ഏറ്റവും വലിയ ആഘോഷങ്ങളിൽ ഒന്നായ തൃശ്ശൂർ പൂരം പുരുഷന്മാർക്ക് മാത്രം ആഘോഷിക്കാൻ ഉള്ളത് ആണെന്ന് ആയിരുന്നു റിമ കല്ലിങ്കൽ ഒരു സ്വകാര്യ ചാനലിന് നൽകിയ അഭിമുഖത്തിൽ വെളിപ്പെടുത്തിയത്. വുമൺ ഇൻ സിനിമ കളക്റ്റീവ് എന്ന സംഘടന രൂപികരിക്കുന്നതിന് മുന്നിട്ട് ഇറങ്ങുകയും നടിയെ ആക്രമിച്ച കേസിൽ നടന് എതിരെ പ്രക്ഷോഭങ്ങൾ നടത്തുകയും ചെയ്ത റിമ വീണ്ടും പുരുഷാധിപത്യത്തിന്റെ യദാർത്ഥ മുഖങ്ങളിൽ ഒന്നാണ് തൃശ്ശൂർ പൂരത്തെ വിശേഷിപ്പിച്ചത്.

റിമയുടെ വാക്കുകൾ ഇങ്ങനെ,

തൃശൂർ പൂരം ശരിക്കും ആണുങ്ങളുടേത് മാത്രമാണ്. കഷ്ടമാണ്. വിദേശ രാജ്യങ്ങളിൽ ഫെസ്റ്റിവൽസ് നടത്തുമ്പോൾ ആണുങ്ങൾ മാത്രമല്ല, പെണ്ണുങ്ങളും വരുന്നുണ്ട്. അപ്പോൾ ഇവിടെ ഒരു പ്രശ്നമുണ്ട്. തിരക്ക് കാരണം പേടിയാണ്. അമ്പലങ്ങൾ, പൊതു സ്ഥലങ്ങളിലൊക്കെ പോകുമ്പോൾ ആണുങ്ങളും പെണ്ണുങ്ങളും ഒരുമിച്ചാണെങ്കിലല്ലേ ഒരു രസമുള്ളു? 

അല്ലാതെ ആണുങ്ങൾ മാത്രം അവിടെ പോയിട്ട് എന്താ ചെയ്യുന്നേ? എനിക്ക് മനസിലാകുന്നില്ല. എല്ലാവരും ഒരുമിച്ച്‌ കൂടുക എന്നതാണല്ലോ ഉത്സവം. എന്നാൽ, അവിടെ അത് നടക്കുന്നില്ല. ആകെ വരുന്നത് ആണുങ്ങൾ മാത്രമാണ്.’ – റിമ പറഞ്ഞു.